«Д. Серікбаев атындағы Шығыс Қазақстан техникалық университеті» коммерциялық емес акционерлік қоғамы Қазақстан Республикасы Білім және ғылым министрлігі, Өскемен қаласы, Протозанов көшесі, 69, телефон 8 (7232) 55-28-50, бос лауазымдарға орналасуға конкурс жариялайды: 

1. Мектеп деканы:

• Металлургия және пайдалы қазбаларды байыту мектебі - 1;
• Бизнес және кәсіпкерлік мектебі – 1.

Біліктілікке қойылатын талаптар:

• Ғылыми дәрежесінің немесе PhD немесе бейіні бойынша доктор дәрежесінің болуы.
• Білім беру ұйымдарында немесе тиісті даярлау бағыты бойынша басшылық лауазымдардағы жұмыс өтілі кемінде 3 жыл.
• Шет тілін меңгерудің жалпыеуропалық құзыреттеріне (стандарттарына) сәйкес Халықаралық сертификатпен расталған шет тілін В2 деңгейінен төмен емес білу.
• Білім беру менеджменті бойынша біліктілікті арттыру курстарынан өткені туралы сертификаттың (куәліктің) болуы.

2. Қауымдастырылған профессор

• Атом және дәстүрлі энергетика технологиялары мектебі – 2;
• Ақпараттық технологиялар және зияткерлік жүйелер мектебі - 1.

Біліктілікке қойылатын талаптар:

• Ғылыми дәрежесінің немесе PhD немесе бейіні бойынша доктор дәрежесінің болуы.
• Қауымдастырылған профессор (КОКСОН) / доцент (ЖАК) ғылыми атағының болуы.
• Шет тілін меңгерудің жалпыеуропалық құзыреттеріне (стандарттарына) сәйкес Халықаралық сертификатпен расталған тілдік емес пәндер оқытушылары үшін В2 деңгейінен төмен емес шет тілін білу.
• Соңғы 5 жылда оқытылатын пәндер бейініне сәйкес біліктілікті арттыру туралы сертификаттың болуы.

3. Аға оқытушы:

• Сәулет және құрылыс мектебі – 6;
• Атом және дәстүрлі энергетика технологиялары мектебі – 2;
• Бизнес және кәсіпкерлік мектебі – 1;
• Ақпараттық технологиялар және зияткерлік жүйелер мектебі – 1;
• Жер туралы ғылымдар мектебі - 2;
• Гуманитарлық білім беру факультеті - 3 (Шет тілдері бойынша филологиялық білімі бар (ағылшын тілі) – 2; "Философия" білімі бар –1).

Біліктілікке қойылатын талаптар:

• жоғары (немесе жоғары оқу орнынан кейінгі) білім ғылыми-педагогикалық қызметте кемінде 3 жыл, оның ішінде оқытушы лауазымында кемінде бір жыл жұмыс өтілі және шарттардың бірін орындауы:
  • ғылыми дәрежесінің немесе бейіні бойынша докторының болуы;
  • немесе PhD докторантурада оқуды аяқтау (3 жылдан аспайтын оқуды бітіргеннен кейін)
  • ғылыми-педагогикалық қызмет өтілі кемінде 10 жыл болған кезде тиісті даярлау бағыты бойынша жоғары оқу орнынан кейінгі білім беру және Бар болған жағдайда шарттардың бірін орындау:
  • A. ҚР БҒМ ұсынған Оқулық немесе оқу құралы / РОӘК;
  • B. ЖОО Ғылыми кеңесі ұсынған жеке оқу құралы немесе оқулық;
  • C. Қазақстан Республикасының Білім және ғылым саласындағы бақылау комитеті ұсынған басылымдарда бес ғылыми мақала;
  • D. халықаралық рецензияланатын ғылыми журналдардағы бір ғылыми мақала (Clarivate Analytics (Кларивэйт Аналитикс) компаниясының Journal Citation Reports (Жорнал Цитэйшэн Репортс) деректері бойынша 1, 2 және 3 квартильге кіретін немесе Scopus (Скопус) дерекқорында CiteScore (СайтСкор) бойынша кемінде 35 процентиль көрсеткіші бар журналдар);
  • E. Қазақстанның ашық білім беру ұлттық платформасында орналасқан Қоршағанортамині;
  • жоғары немесе жоғары оқу орнынан кейінгі білім алыс шетел ЖОО-да тиісті дайындық бағыты бойынша;
  • шет тілін меңгерудің жалпыеуропалық құзыреттеріне (стандарттарына) сәйкес Халықаралық сертификатпен расталған тілдік емес пәндер оқытушылары үшін В1 деңгейінен төмен емес шет тілін білуі;
  • ҚР Сәулетшілер одағына мүшелік;
  • халықаралық кәсіби сертификаттардың болуы.
• Соңғы 5 жылда оқытылатын пәндер бейініне сәйкес біліктілікті арттыру туралы сертификаттың болуы.

4. Оқытушы:

• Бизнес және кәсіпкерлік мектебі – 1;
• Сәулет және құрылыс мектебі – 3;
• Жер туралы ғылымдар мектебі - 1;
• Ақпараттық технологиялар және зияткерлік жүйелер мектебі – 1;
• Гуманитарлық білім беру факультеті – 1.

Біліктілікке қойылатын талаптар:

• Жоғары (специалитет) немесе тиісті дайындық бағыты бойынша жоғары оқу орнынан кейінгі білім.
• Ғылыми-педагогикалық қызмет өтілі 3 жылдан кем емес.
• Соңғы 5 жылдағы шарттардың бірін орындау:
  • Қазақстан Республикасының Білім және ғылым саласындағы бақылау комитеті ұсынған басылымдарда екі ғылыми мақаланың болуы;
  • өнертабысқа патенттің немесе авторлық куәліктің болуы;
  • ЖОО Ғылыми кеңесі ұсынған оқу құралының немесе оқулықтың болуы.
• Соңғы 3 жылда оқытылатын пәндер бейініне сәйкес біліктілікті арттыру туралы сертификаттың (куәліктің) болуы.

5. Бөлім/басқарма  басшылары:

• оқу процесін ұйымдастыру және бақылау бөлімі;
• тіркеуші кеңсесі;
• халықаралық ынтымақтастық кеңсесі;
• жобаны басқару кеңсесі;
• ақпараттық саясат және медиа-коммуникация орталығы (Медиа орталық);
• кадрларды іріктеу және дамыту бөлімі;
• мемлекеттік сатып алу бөлімі;
• даму стратегиямы және сапаны қамтамасыз ету басқармасы.

Біліктілік талаптары:

• тиісті мамандық бойынша жоғары (немесе жоғары оқу орнынан кейінгі) білім;
• тиісті қызмет саласында кемінде 5 жылдан кем емес, басшы лауазымдарда 3 жылдан кем емес жұмыс өтілі;
• орыс, мемлекеттік тілдерді білу,
• MS Office бағдарламалық пакетін сенімді қолданушы деңгейінде білу,
• тиісті қызмет саласындағы заңнамалық және нормативтік құжаттарды білу.

Конкурсқа қатысуға ниет білдірген тұлғалар ректордың атына (еркін түрде жазылған) өтініш береді. Өтінішке қоса төмендегідей құжаттар беріледі:

• кадрларды тіркеу жөніндегі жеке парақ;
• өмірбаян;
• төлқұжат немесе жеке куәліктің көшірмесі;
• жоғары білім, академиялық және ғылыми дәреже туралы дипломдардың, ғылыми атағы туралы құжаттың көшірмелері және оларды салыстырып тексеру үшін құжаттардың түпнұсқалары;
• қайта даярлау және біктілікті жетілдіру сертификаттарының көшірмелері (болған жағдайда) мен түпнұсқалары;
• (ағымдағы немесе соңғы) жұмыс орны бойынша кадр қызметі куәландырған еңбек қызметін растайтын құжаттың көшірмесі.
• кафедра меңгерушісімен, деканмен және Университеттің ғылыми хатшысымен расталған ғылыми еңбектер мен өнертабыстар тізімі (болған жағдайда);
• соңғы жұмыс орнынан мінездеме;
• құжаттарды тапсыру күніне дейін алты айдан аспайтын мерзімде берілген №075/у нысанындағы медициналық анықтама.
•  уәкілетті орган (Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті) берген тұлғаның қылмыстық құқық бұзушылық жасағаны туралы мәліметтердің болуы немесе болмауы туралы анықтаманы;
• құжаттарды тапсыру күніне дейін бір айдан кешіктірмей берілген нейропсихиатриялық ұйымның анықтамасы;
• құжаттарды тапсыру күніне дейін бір айдан кешіктірмей берілген наркологиялық ұйымның анықтамасы.

Конкурсқа қатысушы өзінің біліміне, жұмыс тәжірибесіне, кәсіби деңгейіне қатысты қосымша ақпаратты ұсынуға құқылы.

Конкурсқа өтініштер қабылдау мерзімі – хабарландыру жарияланған сәттен бастап 30 күнтізбелік күннен кешіктірмей.

Жоғарыда аталған құжаттарды Д. Серікбаев атындағы Шығыс Қазақстан техникалық университетінің кадрларды іріктеу және дамыту бөліміне белгіленген мерзімде тапсыру қажет (Протозанов көшесі, 69 кабинет 101, телефон 8 (7232) 26-29-11 (ішкі 145).