Шығыс Қазақстан техникалық университетінде «Үздік 100 студент» байқауына өтініш қабылдау басталды. Конкурсқа студенттердің өзін-өзі басқару, еріктілік, спорттық өмір, мәдени өмір, көркем шығармашылық органдарында, оқу, ғылыми-зерттеу, қоғамдық қызметте жоғары жетістіктері бар бакалавриаттың күндізгі оқу түрінің барлық курс студенттері қатыса алады. Конкурстық іріктеу келесі номинациялар бойынша өткізіледі:
- "Оқу қызметі бағыты бойынша үздік студенттер";
- "Ғылым бағыты бойынша жоғары оқу орнының үздік студенттері";
- "Қоғамдық қызмет бағыты бойынша ЖОО үздік студенттері";
- "Спорт бағыты бойынша жоғары оқу орнының үздік студенттері";
- "Мәдени-шығармашылық қызмет бағыты бойынша үздік студенттер".
Конкурсқа қатысу үшін 2022-2023 оқу жылының 1 маусымына дейін "ШҚТУ үздік 100 студенті" конкурсына қатысушының портфолиосын электронды түрде толтыру қажет, келесі құжаттар (конкурстық материалдар) бекітіліп беріледі:
- студентті конкурсқа қатысуға ұсыну себептерін негіздейтін мінездеме;
- студенттің жетістіктері мен марапаттарын растайтын құжаттардың сканерлері студенттер портфолиосының тиісті бөлімдеріне бекітіледі.
Барлық құжаттар порталда электрондық түрде тіркеледі. Өтінішті келесі сілтемеге жіберіңіз: https://services.ektu.kz/futurecrystals
