Ағымдағы жылдың 24 желтоқсанында Қазақстан Республикасының Мемлекеттік хатшысы Қырымбек Көшербаевтың төрағалығымен Шетелде кадрлар даярлау жөніндегі республикалық комиссияның кезекті отырысы өтті. Республикалық комиссияның шешімімен биылғы үшінші іріктеу ағынының қорытындысы бойынша «Болашақ» халықаралық стипендиясы Д. Серікбаев атындағы ШҚТУ-дың 11 ғалымына «Болашақ» стипендиясы берілді.
«Ғалымдар» санаты биыл Мемлекет басшысының тапсырмасымен алғаш рет бекітілді. Бұл шешім қазақстандық ғалымдарға жетекші жоғары оқу орындарында, ғылыми және өндірістік орталықтарда жаңа білім алуға және сол арқылы еліміздің ғылыми әлеуетін арттыруға мүмкіндік береді.
«Болашақ» халықаралық стипендиясының иегерлері әлемнің 27 елінің жетекші университеттерінде, ғылыми-өндірістік орталықтарында академиялық тағылымдамадан өтеді. АҚШ-та 220 адам, Ұлыбританияда 136, Ресей Федерациясында 57, Австралияда 13, Германияда 14, Жапонияда 3 адам және т.б. университеттерде білім алатын болады.
Біздің ғалымдар Рахметуллина Сауле Жадыгеровна, Конурбаева Жадыра Тусупкановна, Рахметуллина Женисгуль Төлеухановна, Ескермесов Дидар Қайратович, Табиева Еркежан Еркінбекқызы, Арингожина Зарина Ержановна, Тогузова Маржан Мельсовна, Ғабдысалық Риза, Толубаева Канағат Камзановна, Рахымбердина Маржан Есенбековна, Юсубалиев Мадина Файзуллиновна келесі «Жоғары білім берудегі менеджмент» бағыты бойынша АҚШ-тың The George Washington University; «Білім берудегі менеджмент» бағыты бойынша Ұлыбританияның Coventry University; «Техникалық физика» бағыты бойынша Lincoln University университетінде; Түркияның Akdeniz University «Қашықтықтан оқытудың әдістемесі мен әдістемесі. Педагогикалық платформаларды әзірлеу»; Мәскеу Ұлттық зерттеу университеті Жоғары экономика мектебі «Жоғары білім берудегі менеджмент»; Ломоносов атындағы Мәскеу мемлекеттік университеті «География» мамандығы бойынша үздік университеттерінде өз біліктілігін арттыру мүмкіндігі бар.
«Болашақ» тағылымдамасына өтулеріңізбен құттықтаймыз. Сіздерге тағылымдамадан сәтті өтулеріңізді, жаңа құзыреттерге ие болуларыңызды және университетіміздің қабырғасында жаңа білім мен дағдыларды қолдануыңызды тілейміз!
