Осы мерекеге орай Д.Серікбаев атындағы ШҚТУ ректоры Жасұлан Шаймарданов білім ордасының оқытушылары, қызметкерлері мен студенттерін Жаңа жылмен құттықтады. Қуанышты іс-шара онлайн режимде өтті.
Университет бұған дейін қызметкерлерінің арасында жаңа жылдық байқаулар жариялаған болатын. Ондағы мақсат, ұжымды жаңа жылдық көңіл күйге бөлеп, шығармашылық икемділіктері мен қызығушылықтарын дамытып, отбасылық құндылықты көрсету болды. Бүгінгі іс-шарада өткізілген байқаулардың нәтижелері жарияланып, жеңімпаздар марапатталды.
"Бренд амбассадор 2020" номинациясында – қазақстандықтардың арасында EKTU брендін насихаттап, танымалдылығын арттырғаны үшін блогер Насима Қорғанбекова марапатталды.
"Әлеуметтік желілердегі белсенділер" номинациясында үш жеңімпаз - Василий Хван, Зарина Хасенова, Алина Ким.
"EKTU ECOART 2020" жаңа жылдық эко ашық хаттар хэнд-мейд байқауының жеңімпаздары: Мансап орталығы, ШАСиД, ШБиП, Серкебаева Динара.
Машина жасау мектебі "Үздік жаңа жылдық аспаз 2020" аспаздық бейнероликтер байқауында жеңіске жетті.
Бастауыш кәсіподақ ұйымының төрайымы Шахрам Солтанбекова қазылар алқасымен бірлесе отырып «Отбасылық жаңа жылдық бейнероликтер» байқауының әр қатысушысын марапаттауды жөн көрді. Өйткені отбасылық құндылықтар - бұл өміріміздің маңызды және ажырамас бөлігі.
Жаңа жылдық кездесу соңында университет қызметкерлерінің қатысуымен түсірілген қысқаметражды фильм көретілді.
Жаңа 2021 жылда барлық тілектердің орындалуын, сәттіліктердің жалғасуын, тыныштық пен құт-береке болуын тілейміз.
Келе жатқан Жаңа жыл құтты болсын!
