19 қаңтар күні Д. Серікбаев атындағы Шығыс Қазақстан техникалық университетінде студенттер арасындағы Дүниежүзілік Универсиаданы қолдау мақсатында флеш-моб өткізілді.
Дүниежүзілік Қысқы Универсиада - бұл бүкіл әлем студенттері арасында екі жылда бір рет өткізілетін спорттық іс-шара.
Дүниежүзілік ХХХІ қысқы Универсиада Нью-Йорк (АҚШ) маңындағы Лейк-Плэсид шағын қалашығында өтіп жатыр. Жарысқа әлемнің 50 елінен 1500-ге жуық студент қатысуда. Аталмыш жарыста 12 спорт түрінен 86 медаль жиынтығы сарапқа салынады. Негізгі бағдарламаға 9 спорт түрі, сондай-ақ Универсиаданы ұйымдастырушылар таңдаған 3 қосымша спорт түрі кіреді.
Қазақстан құрамасының атынан спорттың 10 түрі бойынша 17 ЖОО-нан 80 үздік спортшы өнер көрсетуде.
Бүгінгі таңда қоржынымызда 3 алтын, 1 қола медаль бар.
Денсаулық және спорт орталығы Дүниежүзілік Қысқы Универсиада қатысушысы - еліміздің студенттер құрама командасының спортшыларына сәттілік тілейді!
АЛҒА ҚАЗАҚСТАН!!!
