16 мамыр күні Д.Серікбаев ат. ШҚМТУ-дың бас оқу ғимаратында университет түлектері «Қазцентрналадка» ЖШС өкілдерімен əңгімелесті.

Əңгімелесу көңілді əрі достық жағдайда өтті. Іс-шараға «Инжинирия» және «Ақпараттық технологиялар және энергетика» факультеттерінің 20-ға жуық түлегі қатысты. Айта кету керек, аталмыш кездесуді компания өкілдері мен ШҚМТУ-дың Мансап орталығы бірлесе ұйымдастырды.

Өтініш берушілер жұмыс жағдайымен, сондай-ақ кәсіпорын қызметкерлеріне ұсынылатын әлеуметтік пакет құрамымен танысты. Өз кезегінде, «Казцентрналадка» ЖШС басшылығы түлектердің білім деңгейін жоғары бағалады.

Əңгімелесу нəтижесіне сəйкес келесі түлектер жұмыспен қамтылуға ұсыныс алды: Ернұр Ермұратов (Электр энергиясы), Ақерке Серікова (Электр энергетикасы), Алена Степанищева (Технологиялық машиналар және жабдықтар), Жандос Айтбаев (Технологиялық машиналар және жабдықтар) және Николай Окуньков (Автоматтандыру және басқару).

Д. Серікбаев ат. ШҚМТУ Баспасөз қызметі