1. «Парасат жолы» республикалық орталығының жетекшісі Садыбек Түгел ШҚТУ ғылыми кітапханасына барды. ШҚТУ базасында «Парасат жолы» республикалық орталығының басшысы Садыбек Түгел облыстың ақпараттық-ағартушылық штабының мүшелерімен, зиялы қауым, қоғам, БАҚ өкілдерімен және студенттермен кездесті.
2. ШҚТУ ғалымының жобасы ҚР БҒМ мақұлдауына ие болды. Д.Серікбаев атындағы ШҚТУ ғалымы Михаил Дудкин 2021-2023 жылдарға арналған гранттық қаржыландыруды жеңіп алды. Т.ғ. д., профессор Михаил Васильевич AP09260192 «Жұмыс тиімділігі жоғары инновациялық фрезерлі-роторлы қар тазалағыш жұмыс жабдығын әзірлеу» жобасын басқарады.
3. ШҚТУ-да «Жоғары оқу орнының үздік оқытушысы» байқауының қатысушыларын марапаттау рәсімі өтті. «Жоғары оқу орнының үздік оқытушысы» байқауының жұмыс істеу кезеңінде ШҚТУ-дың 80-нен астам оқытушысы сыйлық лауреаттары атанды. Биыл олардың қатары толықты: Ақпараттық технологиялар және зияткерлік жүйелер мектебінің доценті, техника ғылымдарының кандидаты Блинаева Елена Васильевна; жер және қоршаған орта туралы ғылымдар мектебінің доценті, техника ғылымдарының кандидаты, қауымдастырылған профессор Идришева Жанат Қабылбекқызы және бизнес және кәсіпкерлік мектебінің доценті, экономика ғылымдарының кандидаты, қауымдастырылған профессор Сүйеубаева Салтанат Нұрболсынқызы.
4. Д.Серікбаев атындағы ШҚТУ-да «Физика Орталығы» ашылды. Өңір экономикасы, ел экономикасы үшін инженерлік және ғылыми кадрлар даярлау, университеттік техникалық білім беруді, озық оқу-білім беру практикасын дамыту үшін университетте Жалпы физика бойынша бес оқу зертханасын: «Механика», «Молекулалық физика және термодинамика», «Электр және магнетизм», «Оптика», «Атомдық және ядролық физика» және «Техникалық физика» бағыты бойынша ғылыми зерттеулер элементтері бар бір «Күрделі физикалық процестерді модельдеу» зертханасын біріктіретін Физика Орталығы құрылды.
5. ШҚТУ оқытушыларына ғылыми атақтар берілді. Д.Серікбаев атындағы ШҚТУ қызметкері Алина Ким көлік, тау-кен және құрылыс машина жасау мамандығы бойынша қауымдастырылған профессор болды. Смаилова Сәуле Сансызбайқызы информатика, есептеу техникасы және басқару мамандығы бойынша қауымдастырылған профессор болды. Ғылыми атағын бизнес және кәсіпкерлік мектебінің доценті Гүлнар Ислям да алды. Қазір ол Экономика мамандығы бойынша қауымдастырылған профессор.
6. «EKTU ДАУЫСТАРЫ– голоса EKTU» байқауының жеңімпаздарын марапаттау рәсімі өтті. ШҚТУ-дың ең әуезді дауыстары анықталды. Д.Серікбаев атындағы ШҚТУ-да ақпан айының ортасында басталған байқау Наурыз мерекесі қарсаңында аяқталды. «Ұрпақ XYZ» жобасы аясында ұйымдастырылған ән байқауына университет пен колледждің студенттері, қызметкерлері мен ардагерлері қатысты.
Көрермендер №3-ші дуэт-Саят Кенбаевқа және Гүлмарал Тұрғамбековаға көп дауыс берді. Олардың әнін 8,5 мыңға жуық адам тамашалады.
7. ШҚТУ командасы тағы да үздік үштікте. «Өмір қауіпсіздігі және қоршаған ортаны қорғау» білім беру бағдарламасының 2 және 4 курс студенттері ТМД елдерінің жоғары оқу орындарының 10-шы Халықаралық экологиялық олимпиадасының халықаралық кезеңіне қатысты.
Д.Серікбаев атындағы Шығыс Қазақстан мемлекеттік техникалық университеті атын Илья Яковлев, Станислав Квач, Дана Советбекова, Камила Сахарина, Санжар Тілеужанов қорғады. Байқау қорытындысы бойынша біздің балалар бір бірінші, үш екінші орынға ие болды. Командалық есепте 2 орынды иеленді. Олимпиада БЕЛАРУСЬ, Беларусь Республикасы, Минск қ. А.Д.Сахаров атындағы МГЭИ базасында онлайн өткізілді.
