Халықаралық студенттер қауымдастығы (Қазақстан, Астана) «Бөбек «"Жалпыұлттық қозғалысы» қауымдастығы нысанындағы заңды тұлғалар бірлестігінің қолдауымен «2024 жылдың үздік студенті» Халықаралық байқауын ұйымдастырды.
Іс-шараның мақсаты: Жас ғалымдардың жетістіктері мен ғылым саласына қосқан үлесін мойындау және марапаттау. Еліміздегі ғылым саласының дамуына өзіндік үлес қосып жүрген азаматтарды, өз ісінің мамандарын қоғамда кеңінен насихаттау, келешек жастарға үлгі ету.
2024 жылдың 2 ақпанында Астана қаласында «Үздік студент 2024» байқауына қатысқан студенттерді марапаттау рәсімі өтті.
Бұл байқауға біздің университеттен 6В06103-Математикалық және компьютерлік модельдеу ББ студенті Борозенец Давид Рафаэлевич қатысты.
Ғылыми жетекшісі-PhD, қауымдастырылған профессор Увалиева Индира Махмутовна.
Давид Халықаралық байқаудың жүлдегері атанды және ІІ дәрежелі дипломға ие болды, оған «ТМД-ның үздік студенті» жинағы, «Үздік студент» арнайы төсбелгісі (медалі), еңбегі туралы куәлік, сондай-ақ кітаптың электрондық нұсқасы табыс етілді.
Студент пен ғылыми жетекшіні жеңісімен құттықтаймыз!
Зор денсаулық, табыс тілейміз!
