Д. Серікбаев атындағы Шығыс Қазақстан техникалық университетінің базасында Қазақстан-Неміс ғылым және технологиялар институты құрылады. Жаңа институт металлургия және пайдалы қазбаларды өндіру саласындағы ғылым мен технологияларды дамытудағы, сондай-ақ Қазақстан мен Германия арасындағы достық қатынастарды нығайтудағы маңызды қадам болады.
Институтты құру жөніндегі бастамаға Германияның Федеративтік Президенті Франк-Вальтер Штайнмайердің осы жылдың маусым айында Қазақстанға жасаған мемлекеттік сапары барысында қол жеткізілді. Сапар аясында елдер ғылым және жоғары білім саласындағы ынтымақтастықты одан әрі дамыту туралы 10 келісімге қол қойды. Олардың ішінде Д. Серікбаев атындағы Шығыс Қазақстан техникалық университеті мен Алматыдағы Қазақстан-Неміс университеті ынтымақтастығы негізінде Өскеменде институт құру туралы келісім бар.
Жаңа институт елдер арасында білім мен технологиялар алмасуға, металлургия және пайдалы қазбаларды өндіру саласындағы мамандарды даярлау деңгейін арттыруға, сондай-ақ бірлескен ғылыми жобалар мен зерттеулерді дамытуға ықпал ететін болады. Мекеме өнеркәсіп пен ғылымның әртүрлі салаларында сұранысқа ие жоғары білікті кадрларды даярлау алаңына айналады деп күтілуде.
Қазіргі уақытта институт үшін үй-жайларды дайындау бойынша белсенді жөндеу жұмыстары жүргізілуде. Бұл жұмыстар халықаралық стандарттарға сәйкес келетін заманауи зертханалар мен оқу аудиторияларын құруға бағытталған.
Айта кету керек, Қазақстан-Германия ғылым және технологиялар институтының ашылуы 2024 жылдың қыркүйегіне жоспарланған.
