ХИМИЯЛЫҚ ИНЖЕНЕРИЯ материалдар мен энергияны қайта өңдеу туралы ғылым ғана емес, бұл көптеген жаһандық мәселелерді шешудің кілті. Химия инженерлері климаттың өзгеруімен күресуге, таза энергия өндіруге, сумен жабдықтауды жақсартуға және азық-түлік қауіпсіздігін қамтамасыз етуге көмектесетін тұрақты технологияларды құруда маңызды рөл атқарады.
2024 жылдың 5 қарашасында біздің университет қабырғасында "ХИМИЯ, ХИМИЯЛЫҚ ИНЖЕНЕРИЯ" жаңа білім беру бағдарламасының ашылуына арналған Шығыс Қазақстан өңірінің қала құраушы кәсіпорындарының өкілдерімен дөңгелек үстел өтті. Іс-шараның мақсаты химиялық инжиниринг саласындағы ағымдағы жетістіктерді талқылау және жаңа білім беру бағдарламасының тұсаукесерлері түрінде инженерлік бейіндегі мамандарды даярлау бағыттарын айқындау болды. Талқылауға жетекші сарапшылар мен жұмыс берушілер шақырылды ("ӨК ТМК" АҚ, "ҮМЗ" АҚ, "Казцинк" ЖШС, "Eurasian Minerals Trade" ЖШС, "КазСтандарт" РМК ШҚФ, СИНЕРКОН ЖШС, "Согра ЖЭО" ЖШС, "Өскемен ЖЭО" ЖШС, ШЖҚ МКК КИЦӨскемен-Су Арнасы", "Эмиль" ЖШС және т. б.
Біздің бағдарлама ғылым мен техниканың соңғы тенденцияларын ескере отырып жасалған, онда тек теориялық білім ғана емес, сонымен қатар табысты мансап үшін қажетті практикалық дағдылар да ескеріледі. Біздің болашақ студенттер үздік жоғары білікті мамандардан білім алады, ғылыми жобаларға, тағылымдамаларға қатысады, бұл оларға нақты тәжірибеге енуге мүмкіндік береді. Біз сондай-ақ халықаралық ынтымақтастыққа ұмтыламыз, бұл студенттерімізге басқа елдердің әріптестерімен тәжірибе алмасуға және халықаралық жобаларға қатысуға мүмкіндік береді.
Біз болашақ студенттеріміздің әлеуеті мен білімге деген ұмтылысына сенеміз.
Университет тарихында жаңа беттің ашылуы Химия, Химиялық инженерия бойынша білім беру бағдарламасының іске қосылуымен байланысты (ҰБТ-дағы бейіндік пәндер биология, химия).
