Ақпараттық технологиялар және энергетика мектебінің 2 курс студенті Ерсұлтан Мықтыбеков «Қазақстан Spelling Bee - 2018» байқауының бірінші турының жеңімпазы болды. Байқауға негізінен жоғары оқу орындары мен колледждерден тіл мамандығы бойынша оқитын студенттер қатысты.

Байқау екі кезеңнен тұрады. Ерсұлтан Өскемен қаласындағы бірінші турының жеңімпазы ретінде, 2018 жылы 17 ақпанда Астана қаласында өткізілетін ұлттық байқауға (екінші тур) шақырылды. Байқаудың екінші турының жеңімпаздары Қырғызстан, Өзбекстан, Тәжікстан және Түрікменстан мемлекеттерінің жеңімпаздарымен бірге Орталық-Азия аймақтық байқауына қатысады.