2024 жылдың 18 желтоқсанда Астана қаласында National academy of scientific and innovative research ұйымдастыруымен "Жылдың үздік студенті - 2024" байқауына қатысқан студенттерді марапаттау рәсімі өтті. Халықаралық конкурс үздіктерді анықтау мақсатында әлемнің түрлі елдерінен келген студенттердің білім деңгейі мен шығармашылығын бағалауға бағытталған болатын.

Бизнес мектебінің 6В04108-Экономика және менеджмент ББ студенті Бауыржанқызы Еркежан еліміздің білімі мен ғылымына қосқан үлесі үшін І дәрежелі Дипломмен және "Жылдың үздік студенті 2024" төсбелгісімен марапатталды.

Оның «Қазақстандағы шағын және орта бизнестің қазіргі даму беталысы» тақырыбындағы ғылыми жұмысы оқытушы Сырымбек Маржанның жетекшілігімен орындалып, конкурстық комиссияның жоғары бағасына ие болды.

Студент пен ғылыми жетекшіні жеңісімен құттықтаймыз! Зор денсаулық, болашақта жарқын жеңістер тілейміз!