Мамандық таңдау - өте жауапты, қиын және күрделі іс. Бұл орта мектеп оқушыларын алаңдататын үлкен мәселе деп айтуға болады. Осыған байланысты жоба менеджері А.С. Құрманғалиева, кәсіптік бағдар беруші М. Кенесжан, қабылдау комиссиясының жауапты хатшысы А. Дауылбаева ШҚО және Оңтүстік Қазақстан бойынша кәсіптік бағдар беру жұмыстарын жалғастыруда.

Университеттің кәсіби бағдар берушілері Самар, Бастаушы, Құлынжон, Құйған, Күршім, Сарыөлең, Қаратоғай, Қалжыр, Боран,Теректі және Жамбыл облысының Жамбыл, Мерке, Рысқұлов, Байзақ, Сарыағаш аудандарында кездесулер өткізіп жатыр.

Сапардың мақсаты мектеп оқушыларын университет қызметімен, Білім беру бағдарламаларымен, оқуға түсу шарттарымен таныстыру және мамандық таңдауда көмек көрсету.