Бүгін гуманитарлық ғылымдар факультетінің деканы А. А. Сәсембаева, тарих ғылымдарының кандидаты, ГҒФ аға оқытушысы К.С. Қалиева, Ақпараттық саясат және медиабайланыс орталығының басшысы Қ. Қ. Қасымова «Үлкен Алтай» университеттерінің медиадиалогына қатысты.
Кездесу «Үлкен алтай Түркі әлемі: тарихтағы және қазіргі замандағы бірлік пен әртүрлілік» жобасы аясында онлайн-конференция форматында өтті.
Халықаралық конференцияға Ресей Федерациясы, Қазақстан, Қырғызстан және Өзбекстан медиа орталықтарының өкілдері қатысты. Іс-шара барысында Алтаистика және түркология саласындағы ЖОО ғылыми қызметінің БАҚ-тағы үздік жарияланымы «Медиа-Наурыз» Халқаралық байқауының қорытындысы жарияланды. Аталмыш байқау биыл 21 наурызда ашық деп жарияланып, қорытындысы шілде айында шықты.
Байқау қорытындысы бойынша біздің университет АЛТМУ Президенті, профессор Сергей Землюковтың арнайы сыйлығы мен біліктілікті арттыруға сертификат иегері атанды.
