Бірінші курс студенттері үшін оқу процесі аралас форматта ұйымдастырылады. Яғни, дәрістер онлайн форматта, ал семинар, зертханалық және практикалық сабақтар дәстүрлі форматта өтеді.
Екінші және үшінші курстарда оқыту процесі дайындық бағыттарына байланысты қашықтан немесе аралас форматтарда жүргізілетін болады. Соның ішінде SMM, архитектура және дизайн мамандықтары бойынша білім алып жүрген студенттер аралас форматта оқуын жалғастыра береді. Ал қалғандары қашықтан оқитын болады.
Теориялық оқыту (қажет болған жағдайда), ғылыми-зерттеу жұмыстарын орындау, магистранттар мен докторанттарды қорытынды аттестаттау жоғары оқу орнының академиялық саясаты мен күнтізбесіне сәйкес қашықтан және аралас форматта жалғаса бермек.
Корпустарда, жатақханаларда санитарлық-эпидемиялогиялық нормалар сақталған. Сол себепті аралас форматта оқитын студенттерге уайымдаудың қажеті жоқ.
