Жаңа жыл қарсаңында Д. Серікбаев атындағы Шығыс Қазақстан техникалық университетінде қызметкерлердің балаларына арналған шынайы қуанышқа толы жарқын жаңа жылдық шырша ұйымдастырылды. Бұл шара кішкентай қонақтарға ерекше сезім мен бақыт сыйлады.
Мереке басынан-ақ балаларды түрлі-түсті костюм киген аниматорлар қарсы алып, қызықты ойындар мен билерге тартты. Шырша ертегісінің шарықтау шегі ретінде Аяз ата мен Ақшақар келіп, балғындармен жұмбақ шешіп, ойындар ұйымдастырып, нағыз жаңа жылдық сиқыр сыйлады.
Балалар ойындарға қуана қатысып, тақпақ айтып, ән шырқады. Бұл күн олар үшін тек қуанышқа толы ерекше сәт емес, сонымен қатар тәтті сыйлықтар алуға мүмкіндік болды.
Осындай мерекелерді ұйымдастыру университеттің игі дәстүрлерінің бірі ғана емес, ұжымға деген қамқорлықтың маңызды бөлігі.
– Біз қызметкерлеріміздің балалары өздерін үлкен университеттік отбасының мүшесі ретінде сезінгенін қалаймыз. Жаңа жылдық шырша – бұл балаларға қуаныш сыйлау, ал ата-аналарына берік және ұйымшыл ұжымда жұмыс істейтініне мақтаныш сезімін ұялату жолы, – деп атап өтті университет басшылығы.
Шара ортақ құттықтаулармен, қошеметпен және, әрине, Аяз ата мен Ақшақармен суретке түсумен аяқталды. Кішкентай қатысушылар тек сыйлық қана емес, жыл бойына жетерлік жарқын естеліктермен үйлеріне оралды.
ШҚТУ-дағы жаңа жылдық шырша университеттің тек білім мен жұмыс орны емес, сонымен қатар дәстүрді бағалайтын, балаларға қамқорлық жасап, жылы отбасылық орта қалыптастыратын қауымдастық екенін тағы бір мәрте дәлелдеді.
