Студенттік өмір жастрадың өте қызықты шақтарының бірі болып саналады, ал сол шақтары өнермен ұштасса екі есе қызықты.
«Бірінші курс таланттары» байқауы, жігер оты жалыңдаған студент жастардың, заман ағымына ілескен зымыраған күндеріндегі бос уақыттарын әсерлі ән, көк нөсер күй, күмбірлеген домбыра, мың бұралған би әлемімен қауыштыру мақсатында ұйымдастырылатын шара.
2016 жылдың 21 қарашадан 25 қарашаға дейін Студенттік шығармашылық бөлімі 45 «Бірінші курс таланттары» байқау-бәсекесін ұйымдастырып өткізді.
Университет қабырғасыда студент атанғандарына 2 айдың жүзі болса да үлкен еңбектенудің арқасында өздерінің өнерлерін қауым жұртқа паш етті.
Биылғы жылғы «Бірінші курс таланттары» байқауының тақырыбы «Таланттарымыз саған тарту, туған ел!» Қазақстан Республикасы Тәуелсіздігінің 25 жылдығына арналды. Үш күнге созылған байқау-бәсеке 17 номинация жеңімпаздарын, 3 негізгі номинация және Гран-при иегерлерін анықтады.
- Үздік жүргізуші – Анна Лемешко, Жер туралы ғылымдар факультетінің студенті;
- Үздік бейнеролик - «GTA: EKSTU», Ақпараттық технологиялар және бизнес факультеті;
- Үздік актер - Мәкен Жанбосинов, Жер туралы ғылымдар факультетінің студенті;
- Оригиналды жанр – «Дух дракона» нөмірі, Инженерия факультетінің студенттері;
- Үздік фольклорлық нөмір – Нұрберген Қылышбаев, Ақпараттық технологиялар және бизнес факультеті;
- Үздік вокалды орындау – Сабырхан Дәулет, Ақпараттық технологиялар және бизнес факультеті;
- Үздік вокалды ансамбль – Вокалды трио, Жер туралы ғылымдар факультетінің студенттері;
- Үздік КВН - Жер туралы ғылымдар факультетінің студенттері;
- Үздік жайдарман тобы – Ақпараттық технологиялар және бизнес факультеті;
- Үздік аспапты орындау - Ақпараттық технологиялар және бизнес факультеті;
- Үздік халық би – «Молдаван биі» Инженерия факультетінің студенттері;
- Үздік заманауи би - «Realy hot dance» Инженерия факультетінің студенттері;
- Үздік эстрадалық би – «Стиляги» Ақпараттық технологиялар және бизнес факультеті;
- Үздік сюжеттік би – «Индейцы» Инженерия факультетінің студенттері;
- Қазақстан Республикасы Тәуелсіздігінің 25 жылдығына арналған үздік нөмір – Ақпараттық технологиялар және бизнес факультетінің студенттірі;
- Талант 2016 Аруы– Ахметказиева Дана Инженерия факультетінің студенті;
- Талант 2016 Сұлтаны – Мұратханов Ерасыл Ақпараттық технологиялар және бизнес факультеті.
«Ертіс концерт» ШҚО мәдениет басқармасы, «Вокал» номинациясында өнер көрсеткен барлық студенттерге вокалдан тегін түрде сабақ алатын және продюсердің қызметі ұсынылатын сертификаттар тапсырып студенттерді бір қуантты.
Негізгі номинациялар әділқазылардың шешімімен келесідей орналасты:
- Үздік шоу-бағдарлама - Инженерия факультеті;
- Үздік шығармашылық ұжым – Жер туралы ғылымдар факультеті;
- Көрермендер көзайымы жеңімпазы 25 қараша сағ.18.00 ден сағ. 20.00 дейн гала-концерт кезінде онлайн дауыс беру арқылы анықталды. 1225 дауыс жинап Инженерия факультеті жеңіске жетті.
«Бірінші курс таланттары – 2016» байқауының Гран-при иегерлері Ақпараттық технологиялар және бизнес факультетіне ауыспалы кубок бұйырды.
«Бірінші курс таланттары – 2016» байқауына қатысқан шығармашыл жастарға қолдау көрсеткен демеушілерге: «Тұрғын үй құрылыс жинақ банк» Акционерлік қоғамының ШҚО филиалына, «Пицца Блюз» кафе желісіне, "Эмиль" компаниясына алғысымызды білдіреміз!
