Университеттің Мектеп декандары мен академиялық қызмет жөніндегі проректор Жадыра Қонырбаева ZOOM платформасы арқылы 9-11 сынып бітірушілермен тілдесті.

Бұл конференцияда оқушыларға білім ордасында жүріп жатқан оқуға түсуге қатысты дайындық ерекшеліктері, білім беру бағдарламалары, қос дипломды дайындық, инженерлік сыныптар туралы жұмыстар бойынша ақпарат берілді. Олимпиадалар, байқаулар және байқауға қатысуға құжаттарды қабылдау ережелерімен де таныстырылды. Шетелдік серіктес білім ордалары және ондағы мүмкіндіктер жайында сөз қозғалды. Білім берумен қатар студенттердің шығармашылығы мен спорт саласы және тәжірибелік жұмыстарға арналған жазғы лагерь «Простордың» мүмкіншіліктері айтылды.

Әр мектеп деканы абитуреиенттер үшін арнайы дайындалған презентацияларды ұсынып егжей-тегжейлі оқытатын мамандықтар жайында баяндады. Оқушылар туындаған сұрақтарын онлайн конференцияның чатына қалдырып отырды. Ал университет қызметкерлері бірден жауап беріп, байланыс телефондарын қалдырды.