2024 жылдың 10 маусымы мен 13 маусымы аралығында Д. Серікбаев атындағы ШҚТУ Басқарма Төрағасы - ректоры Сауле Рахметуллина және Академиялық қызмет департаментінің директоры Самат Байгереев «AI дәуіріндегі инженерлік білім» 20-шы Халықаралық CDIO конференциясына қатысты. Конференция ESPRIT университетінде (Тунис, Африка) өтті.
4 күн бойы конференцияға қатысушылар 25 елден келген шетелдік әріптестерімен инженерлік білім беруді дамытудың жаңа тенденцияларын, инженерлерді даярлау процесіне жасанды интеллекттің әсерін талқылады және технологияның жаңа жағдайында инженерлерді даярлаудың жаңа тәсілдерін ұсынды.
Конференция қорытындысы бойынша Д. Серікбаев атындағы ШҚТУ Басқарма Төрағасы - ректоры Сауле Рахметуллинаға және Академиялық қызмет департаментінің директоры Самат Байгереевке конференция төрағасы Dr. Lamjed Bettaieb атынан конференцияға қатысқандары үшін сертификаттар жіберілді.
Қорытындылай келе, конференцияға қатысу халықаралық деңгейде инженерлік білім берудің жаңа тәсілдерін анықтауға мүмкіндік берді, және Д. Серікбаев атындағы ШҚТУ бұл тәсілдердің қалыптасуына үлес қосты!
