Қазақстан Республикасының Тұңғыш Президенті - Елбасы кітапханасында "Болашаққа жол өзіңнен басталады"атты семинар - тренинг өтті. ШҚМТУ белсенділері, студенттік кәсіподағы мен Серпін бағдарламасы бойынша білім алып жатқан студенттермен және "Жас Отан" жастар ұйымының мүшелерімен бірлесіп 2 күн бойы "Тәуелсіздік дәуірі", "Төртінші өнеркәсіптік революция", "Рухани Жанғыру-Болашаққа бастар жол", "Ұлы Даланың жеті қыры" тақырыптарында дәрістер тыңдады, сондай - ақ әлеуметтік жобалар жасау бойынша қызықты тренингтерге, ҚарМТУ және халықаралық "SILK WAY" университетінің студенттерімен "Ойлаудың алты қалпы"командалық ойындарына қатысты.
Семинар-тренинг бағдарламасы барысында студенттер Тұңғыш Президент кітапханасына, ҚР Ұлттық музейіне, сондай - ақ ҚР Тұңғыш Президенті-Елбасы кітапханасының мұражайына экскурсияға барды. Соңғысында Президенттің бұрынғы резиденциясымен танысып, Елбасы өмірінің тарихымен танысты.
Сонымен қатар студенттер "Ұлттық аударма бюросы" қоғамдық қорының атқарушы директорымен және "Bilim Media Group" компаниясының бас директоры Рауан Кенжеханұлы мен журналист, публицист, жазушы-драматург, қоғам қайраткері Жабал Ерғалиевпен кездесті. Кездесу барысында жастар көптеген қызықты ақпаратты біліп, қоғамның қазіргі заманғы мәселелерін талқылап, өзекті сұрақтарға жауап алды.
Семинар-тренинг барысында студенттер жаңа тәжірибе жинақтап, басқа университеттерден келген балалармен танысып, ой-өрісін кеңейтті.
Бренд-кеңсе
