Ақпараттық технологиялар және энергетика мектебінің 15-ВТК-1, 15-ВТК-2 тобының студенттері және ақпараттық технологиялар кафедрасының оқытушылары жақында экранға шыққан отандық режиссер Мұрат Бидосовтың «Тар заман» атты тарихи туындысын тамашалап қайтты.
«Алаш Орда» үкіметінің құрылғанына 100 жыл толуына орай түсірілген «Тар заман» киносы рулық қоғамнан Ұлттық мемлекет құрамыз деп, өз уақытынан оза шапқан тұлғаларға арналады. Жалпы туынды XX ғасырдың басындағы қазақ зиялыларының ұлт болашағы үшін арыстандай арпалысқан Әлихан Бөкейхан, Ахмет Байтұрсынұлы, Міржақып Дулатұлы, Мұстафа Шоқай, Мағжан Жұмабайұлы, т.б. арыстарымыздың қилы тағдыры, Алаш автономиясының құрылу тарихы жайында. Қазақ жерінің шекарасын бекіту, жеке дербес автономия құру жолында ағаларымыз бастарын тауға да, тасқа да соқты. Алаш үкіметін құру барысындағы тартысты пікірлер мен екі топқа бөлінген алаш зиялылары арасындағы саяси қарым-қатынас, сатқындық, мүдделер қақтығысы да көрсетіледі.
Университетіміздің барлық студенттерін осы тарихи фильмді көруге шақырымыз!
15-ВТК-2 тобының кураторы Увалиева Индира
