2024 жылғы 17-21 қараша аралығында Шри-Ланка, Коломбо қаласында 45-ші Азия «Қашықтан зондтау» (ACRS 2024) конференциясы өтті. Іс-шара Шри-Ланка геодезия департаменті мен Азия қашықтан зондтау қауымдастығы (AARS) тарапынан ұйымдастырылып, Халықаралық фотограмметрия және қашықтан зондтау қоғамының (ISPRS) қолдауымен өткізілді. Конференцияға Австралия, Әзербайжан, Бангладеш, Бруней, Қытай, Үндістан, Иран, Жапония, Малайзия, Моңғолия, Непал, Пәкістан, Филиппин, Тайланд, Вьетнам, Тайвань, Шри-Ланка сияқты 50-ден астам елдің өкілдері, сондай-ақ Франция, Нидерланд, Швейцария, Ұлыбритания, АҚШ және БҰҰ делегаттары қатысты.
Конференцияда ШҚТУ ғалымдары Қазақстан Республикасы атынан баяндама жасады. Атап айтқанда, жер ғалымдары мектебінің доценті Тогузова М., су шаруашылығы және су пайдалану саласындағы технологиялар трансфері мен орталықтың жетекшісі Колпаков В. «Ертіс өзені алабындағы су экожүйесін бағалау» жобасы аясында, сондай-ақ жер ғалымдары мектебінің деканы Рахымбердин М. мен декан орынбасары Асылханова Ж.А. «Шығыс Қазақстан облысындағы тау-кен металлургия саласының тұрақты дамуында ғылыми негізделген технологияларды әзірлеу» жобасы аясында баяндама жасады.
Конференцияның негізгі мақсаты - техникалық тәжірибе мен академиялық білім алмасуды қолдау, қашықтан зондтау технологияларын практикалық қолдануды ілгерілету және геоақпараттық ғылымдар саласында халықаралық ынтымақтастықты нығайту. Баяндама тақырыптары кең ауқымды салаларды қамтыды, соның ішінде: қашықтан зондтау және оның тұрақты даму, жер пайдалануды басқару, орман, ауыл шаруашылығы мен су шаруашылығы, ГИС, веб-ГИС және картография, бұлттық есептеулер, үлкен деректер және қашықтан зондтаудағы жасанды интеллект.
ACRS 2024 конференциясы халықаралық ынтымақтастықты нығайтуға, жаңа білімдер мен тәжірибе алмасуға, сондай-ақ қашықтан зондтау саласындағы инновациялық технологияларды ілгерілетуге септігін тигізді. Конференция ғаламдық мәселелерге, оның ішінде климаттың өзгеруі, табиғи ресурстарды басқару және тұрақты даму тақырыптарына қатысты өзекті мәселелерді талқылауға арналған алаң ұсынды.
