ШҚТУ-дың белсенді студенттері мен еріктілері қайырымдылық концертін ұйымдастырып, жиналған қаражатты Қазақстандағы су тасқынынан зардап шеккендерге көмек ретінде «Біз біргеміз» қорына жібереді.
Концерт игі істі қолдағысы келетін студенттерді, оқытушыларды және қала тұрғындарын жинады. Іс-шара бағдарламасында түрлі мәдени қойылымдар ұсынылды, соның ішінде:
- Халық вокалы: студенттер ұлттық музыкалық мәдениеттің байлығын көрсете отырып, дәстүрлі қазақ әндерін орындады.
- Ұлттық би: би топтары көрермендерге түрлі ұлттық билерді ұсынды.
- Жайдарман: ШҚТУ КВН командалары көрермендерді тапқырлық пен сатираға толы әзіл-сықақ нөмірлерімен қуантты.
- Домбырашылар: ұлттық музыкалық аспап - домбыра шеберлері тыңдаушыларды шебер әуендермен баурап алды.
- Аспаптық топ: аспаптық ансамбльдер классикалық және заманауи шығармаларды орындады.
- Эстрадалық би: бишілер көрермендерді эстрадалық хиттердегі хореографиялық нөмірлерімен таң қалдырды.
- Эстрадалық Вокал: солистер мен вокалдық топтар эстрадалық жанрдың әртүрлілігін көрсете отырып, танымал әндерді ұсынды.
- Заманауи би: Заманауи би ұжымдары инновациялық хореографиялық қойылымдарды көрсетті.
- Көркем сөз: студенттер өзара көмек пен ынтымақтастық тақырыбына арналған өлеңдер мен шығармалардан үзінділер оқыды.
Осы іс-шараның арқасында су тасқынынан зардап шеккендерге қажетті көмек көрсетуге бағытталған қомақты ақша жиналды. Ұйымдастырушылар концерттің барлық қатысушылары мен қонақтарына қолдау көрсеткені үшін алғыстарын білдірді.
Бұл концерт өнер - адамдарды біріктіріп, қоғам өміріне нақты әсер ете алатындығының жарқын мысалы болды.
