Д. Серікбаев атындағы ШҚТУ жыл сайынғы «АқылдыAwards 2023» гранттарын табыстау салтанатты рәсімін өткізді. Жоғары оқу орны үшін жылдың елеулі оқиғасы метаәлемде өтуімен ерекшеленді.
Д. Серікбаев атындағы Шығыс Қазақстан техникалық университеті ШҚО өңірлік жоғары оқу орындарының бәсекеге қабілеттілігін арттыру "Білікті маман" бағдарламасын жүзеге асыру аясында, жыл сайынғы "Ақылды Awards 2023" мерейтойлық бесінші сыйлығын табыстады.
Пандемия еңбек қатынасына, білім саласына айтқысыз ықпал етіп, онлайн байланыстың қолданыс аясын кеңейте түскені белгілі. ІТ саласы желілік байланыс бағытындағы зерттеулерді күшейтіп, толықтырылған виртуалды шындық әлемінің өрісі кеңейе түсті. Д. Серікбаев атындағы ШҚТУ «Metaverse» артықшылықтарын «Алтын белгіге» үміткер жоғары сынып оқушыларын марапаттау рәсімінде толық сынап көрді.
- Шығыс Қазақстан техникалық университетінің метаәлемі қашықтықтан байланыстың көрінісіне жаңа бейнеде ашып отыр. Бүгінгі «АқылдыAwards 2023» жеңімпаздарын құттықтаймын және жаңа оқу жылында табысты білім тілеймін, - деді Д. Серікбаев атындағы ШҚТУ Басқарма Төрағасы Ректор Сәуле Рахметуллина құттықтау сөзінде.
Онлайн кеңістіктегі үлкен ашық әлем, қозғалыс еркіндігі қамтамасыз етілген мультиплеерлік басқарма, әр қатысушының болмысына сай кейіпкері бар метаәлемде толыққанды іс-шара ұйымдастырылды. Жиынға Тарбағатай, Алтай, Бородулиха ауданы мен Өскемен және Риддер қалаларының мектеп түлектері қатысты.
«Қазіргі және болашақтың сандық технологиялар» номинациясы бойынша грант иегері Шығыс Қазақстан облысы, Тарбағатай аулы, Қ. Билялов атындағы мектеп-лицейін 11 сынып оқушысы Әлімбеков Сырым Болатұлы атанды.
«Ең тапқыр механик» номинациясы бойынша Толембай Даниал Семейханулы грант иегері атанды.
«Біз болашақтың қаласын саламыз» номинациясын Риддер қаласынан Арманова Інкәр Арманқызы иеленді.
«ФИЗМАТ шыңдарын бағындырушы» номинациясын Бородулиха ауданынан Балтабаев Рамир жеңді.
Барлық жеңімпаздарды құттықтаймыз және оқуларына сәттілік тілейміз.
