Д.Серікбаев атындағы ШҚТУ-да Ташкент мемлекеттік көлік университетінің "Көлік экономикасы" кафедрасының доценті Надырханов Убайдулла Сабировичтың қатысуымен "Көлік, көлік техникасы және технологиялары", "Тасымалдауды, қозғалысты және пайдалану мен көлікті ұйымдастыру", "Өндірістік жүйелерді Бизнес-басқару" білім беру бағдарламалары бойынша білім алушылары үшін халықаралық семинар өтті.

Надырханов Убайдулла Сабирович – Ташкент мемлекеттік көлік университетінің "Көлік экономикасы" кафедрасының доценті. ДААД (Германия), Франция, ЕО үкіметтерінің бірнеше мәрте стипендиаты. Неміс, ағылшын, француз тілдерін еркін меңгерген.

«Сәулет және құрылыс мектебі», «Бизнес және кәсіпкерлік мектебі», «Халықаралық инженерлік мектебі» студенттері және профессорлық-оқытушылық құрам кездесуге қатысты. Семинар барысында білім беру бағдарламасы туралы терең айтылды. Спикерлер түрлі тақырыптарда сөз сөйледі. Семинардың нәтижесінде Ташкент Автомобиль - Жол университетімен қарым-қатынасты нығайту мақсатында ары қарай жұмыс жасауға келісімге келді. Келесі кездесу келісім-шарт жасау жөнінде болмақ.