2017 жылдың 24 қаңтар күні Д. Серікбаев атындағы ШҚМТУ ЖОО дейнгі дайындық, университетке қабылдау және бітірушілерді жұмысқа орналастыру басқармасының ұйымдастырумен, декандар және кафедра меңгерушілері Өскемен қаласының «Назарбаев Зияткерлік мектебінің» 8,10 сынып оқушыларымен кездесу өткізді.

Факультет мамандықтарының презентациясын: Жер туралы ғылымдар факультетінің деканы, т.ғ.д. Талант Акимжанович Рыспаев, «Су және орман ресурстары» кафедра меңгерушісі, а.ш.ғ.к. Асангалиев Елибек Атрауович, «Қаржы, есеп және салық салу» кафедра меңгерішісі, э.ғ.к. Мадиярова Эльвира Собетоллаевна,  «Құрлыс» кафедрасының доценті, т.ғ.д. Колпакова Валентина Павловна жасады.  Д.Серікбаев атындағы ШҚМТУ Жоғары техникалық колледжінің мамандықтары туралы, колледж директоры Сагынганов Ерланбек Кенесович айтып берді.  Жер туралы ғылымдар және сәулет-құрлыс факультетінің студенттері Алибеков Нурасыл мен Кабдрахманов Алмаз қызықты студенттік өмір жайлы айтты.

Оқушылар үшін университет зертханаларына экскурсиялар ұйымдастырылды. Қонақтар «Робототехника, мехатроника және электроника», «Машинажасау»  зертханаларын, «Металлургия» және  «Құрлыстық технологиялар»  ғылыми-өндірістік орталықтарын көрді. Оқушылар заманауи жабдықталған зертханалардың жұмысымен, сонымен қатар жаңа құрлыс 3D принтерімен танысты.