Павлодар облысының әкімі Ерлан Арын бастаған облыс делегациясы Д.Серікбаев атындағы ШҚМТУ-да болды. Университетке меймандарды Шығыс Қазақстан облысының әкімі Бердібек Сапарбаев бастап келді. Қонақтарды ШҚМТУ ректоры, физика-математика ғылымдарының докторы, профессор, ҚР ҰИА академигі, ҚР ҰҒА корреспондент-мүшесі Нұрлан Темірбеков қарсы алды. «Іргетас» аймақтық-инженерлік зертханада меймандар ШҚМТУ ғалымдары атқарып жатқан ғылыми-жобалармен танысты.

«Алтай» технопаркінің көрме залында делегация университет факультеттерінің декандарымен, оқытушыларымен кездесті. Шет ел ғалымдарын Қазақстан жоғары оқу орындарына тарту жобасы бойынша шақырылған ғалым, Тарас Шевченко атындағы Киев Ұлттық университеті экономика факультеті деканының орынбасары Андрей Витренко Павлодар облысының әкіміне «Таңдаулы адамдар» сериясынан шыққан кітаптардың топтамасын сыйға тартты.