Б. Момышұлы атындағы орта мектептің (Глубокое) «Жас Сарбаз» әскери патриоттық клуб тәрбиеленушілері Д. Серікбаев атындағы Шығыс Қазақстан техникалық университетінің әскери кафедрасымен танысты.

Іс-шара өскелең ұрпаққа әскери патриоттық тәрбие беру мақсатында ұйымдастырылды. Жас сарбаздар арнайы бағдарлама аясында университет әскери кафедрасының базасымен танысты.

Оқушылар әскери кафедраға түсу және оқу талаптарымен, әскери қарулар мен техникалармен, оларды күту және сақтау жағдайларымен таныс болды. Экскурсия аясында қару түрлері, оларды пайдалану тәртібі көрсетілді.