2024 жылдың шілде айының 4 күні Д.Серікбаев атындағы ШҚТУ Жоғары IT колледжінде түлектерге салтанатты түрде диплом табыстау рәсімі өтті. Осы айтулы күні колледж іші қуанышқа, мақтаныш пен болашаққа деген үмітке толы болды.
Колледж директоры Солтанбекова Шахрам Оңдасынқызы түлектерге құттықтау сөз сөйлеп, студенттерді оқуын ойдағыдай аяқтауларымен құттықтай отыра, оларға жарқын болашақ пен кәсіби еңбек жолын тіледі. Ол әрбір студенттің күш-жігерінің маңыздылығына тоқталып, олардың еңбек жолында биік белестерді бағындыратынына сенім білдірді.
Топ кураторлары түлектерді колледжді бітіріп, диплом алуларымен құттықтап, алға қойған мақсаттарына жетіп, барлық жоспарларының жүзеге асуына тілектестігін білдірді.
Белсенді түлектердің ата-аналары балаларының тәрбиесі мен жетістіктері үшін алғыс хаттармен марапатталды. Ата-аналар мен түлектер осы маңызды кезеңде олармен бірге болып, қолдау көрсеткендерге ризашылықтарын білдіріп, алғыс сөз сөйледі. Олар отбасынан, оқытушылардан және колледж әкімшілігінен алған қолдаудың маңыздылығын айта келіп, оларға өз алғыстарын білдірді.
Дипломдарды салтанатты түрде табыстау бір тараудың соңы ғана емес, түлектеріміздің өміріндегі жаңа кезеңнің басы болды.
Түлектерді колледжді сәтті аяқтауларымен шын жүректен құттықтап, алға қойған мақсаттарының орындалуына тілектеспіз! Өмірдің жаңа кезеңіне нық қадаммен аяқ басыңыз, болашағыңыз өз қолыңызда! Сіздерге сәттілік пен ақ жол тілейміз!
