2024 жылғы 16-17 мамырда Халықаралық білім беру корпорациясының (Алматы қ.) базасында Еуразияның сәулет-құрылыс және дизайн мектептерінің XI Халықаралық фестивалі өтті.

Осы фестиваль аясында 2023 жылғы бітіру жұмыстарының Республикалық on-line байқауы өткізілді.

Бітіру жұмыстарының байқау-конкурсына Қазақстанның 11 жоғары оқу орны қатысты. Байқауға барлығы 50 жұмыс ұсынылды: бакалавриат - 29, магистратура - 21.

• «Ғимараттар мен құрылыстарды есептеу және жобалау» номинациясы бойынша I орынды Вероника Вадимовна Похвальскаяның жұмысы алды.
  Жетекшісі: техника ғылымдарының кандидаты, профессор Хапин А.В.
• «Ландшафттық сәулет» номинациясы бойынша І дәрежелі дипломмен Злата Александровна Черникованың бітіру жұмысы марапатталды.
  Жетекшісі: аға оқытушы Феоктистова Елена Александровна.
• «Тұрғын және қоғамдық ғимараттар» номинациясы бойынша ІІ дәрежелі дипломмен Ибрагимова Дильдораның бітіру жұмысы марапатталды.
  Жетекшісі: аға оқытушы Феоктистова Елена Александровна.
• «Қала құрылысы» номинациясы бойынша ІІ дәрежелі дипломмен Багавиева Даяна Еранқызының бітіру жұмысы марапатталды.
  Жетекшісі: Сәулет кандидаты Иноземцева Татьяна Александровна.

Студенттер мен жетекшілерді жеңістерімен құттықтаймыз!

Зор денсаулық, табыс тілейміз!