Д. Серікбаев атындағы ШҚТУ мансап және кәсіптік бағдар беру орталығының және қабылдау комиссиясының қызметкерлері бірлесіп, жоғары IT-колледж студенттерімен кездесті. Іс-шараның мақсаты – бітіруші курс студенттерінің болашақтарына бағыт-бағдар беру.

Жиынға ШҚТУ Мектептерінен мамандар қатысып, жүзеге асырылып жатқан білім беру бағдарламалары туралы ақпарат берді. Колледж бітірген әрбір студент қалауы бойынша өз мамандығына ұқсас бағдарламаны таңдап ЖОО түсуіне мүмкіндігі бар.

Айта кетейік, кездесуге 40-қа жуық білім алушы қатысты, олардың барлығы соңғы курс студенттері. Кәсіптік бағдар беру жұмысы барлық санитарлық-эпидемиялогиялық нормаларды сақтай отырып өткізілді.