"Қазақстандағы және шектес аумақтардағы этнодемографиялық процестер" тақырыбында 25-26 қыркүйек аралығында офлайн және онлайн форматта конференция өтеді.
Конференцияның бірінші күні Н. Назарбаев даңғылы, 68 үйде орналасқан ШҚО Қоғамдық даму басқармасының «Достық Үйі - Қоғамдық келісім орталығында» өтетін болады. Екінші күні Д. Серікбаев атындағы Шығыс Қазақстан техникалық университеті, Серікбаев көшесі 19, конференц-залында болады.
Конференция бағдарламасында: баяндамалар, ғылыми пікірталас, урбанизация контекстіндегі көші-қон және әлеуметтік-демографиялық трансформациялар; посткеңестік кеңістіктегі демографиялық дамудың жаңа факторлары; Қазіргі Қазақстандағы демографиялық процестер; тарихи демографияның өзекті мәселелері; этномәдени процестер және демографиялық даму контекстіндегі мәдениетаралық диалог бағыттары бойынша ғылыми зерттеулердің нәтижелері бойынша ұсынымдар әзірлеу.
Конференция жұмысына Қазақстан, Қырғызстан, Ресей, Чехия, Франция, Қытайдан демография, әлеуметтану, тарих, саясаттану, философия саласындағы жетекші ғалымдар қатысады.
