Зерде клубы - студенттерді интеллектуалды дамыту бағытында Қазақстан тарихы және әлеуметтік –саяси пәндер кафедрасында, Гуманитарлық білім беру факультетінде құрылған. Заман талабына сай сананың ашықтығы, прагматизм сынды қасиеттерді арттыру мәселесінің өзектілігі артқаны белгілі.
Өз жұмысында клубтың алдына қойған мақсаты жаһандану сындарына төзімді, жан жақты дамыған ұлт тағдырына жауапты жастарды қосымша біліммен қамтамасыз ету үшін гуманитарлық білімдер бойынша студенттерге қызықты тақырыптармен жұмыс жасау. Әлемнің таңдаулы 100 оқулықтарымен тереңірек танысуға бағыт алу. Болашақ мамандардың оқу орнындағы, үкіметтегі, бизнестегі, үкіметтік емес ұйымдардағы және қоғамдағы рөлін көрсету, сыни ойлауға, интеллектуалдық пікірталасқа жетелейтін түрлі материалдармен қамтамасыз ету қарастырылады.
Клуб жетекшісі Жанар Аманғалиқызы Садвакасова «Қазақстан тарихы және ӘСП» кафедрасының меңгерушісі. Клуб мүшелері ретінде студенттік өмірін пайдалы әрі қызықты мағлұматтармен толықтыруға ниеттенген, белсенді, білімді студенттері бола алады.
2020-2021 оқу жылының 1 семестірінде клуб аясында өткізілген жарқын шаралар:
1. Қыркүйек айында «Зерде» клубының мүшелеріне 2 курс студенттері шақырылды. Былтырдан келе жатқан 19-ГТК топтарының студенттерімен бірге, клуб жұмысымен таныстыру мақсатында ВВВ платформасында кездесу ұйымдастырылды. Клубта студенттерді қызықтыратын кез-келген тақырыптар қаралады. Саясат, өмір мәні мәселелері, ғылым салалары жаңалықтары, жаһандану мәселелері, ұлттық сана тақырыптары қозғалады. Клуб мүшелігінде 20 дан астам студент бар.
2. 2020 жылдың 7-қазанда клуб мүшелеріне «Қазақстан тарихы және әлеуметтік саяси пәндер» кафедрасы ұйымдастырған республикалық өлкетанулық «Туған жер - алтын бесігім» атты вебинарға қатысу ұсынылды. Вебинар барысында Қазақстанның тарихи мұраларының сақталуымен, зерттелуімен танысып, Шығыс Қазақстан облысындағы өлкетанулық жұмыстарының өзектілігін талқыланды.
3. 2020 жылы 13 қазанда университетіміздің құрметті профессоры Евгений Иванович Григорьевтің 90 жылдық мерейтойына байланысты «Адам бол! Абай және Е.И.Григорьев» атты халықаралық дөңгелек стол ұйымдастырылып, студенттерді сол іс-шараға қатысуға шақырылды. Григорьев Е.И. ұзақ жылдар бойы Абай ілімдерін, Алаш қайраткерлерінің еңбектерін зерттеумен айналысқан. Жұмыстарының маңыздылығы туралы клуб мүшелеріне айтылды.
4. 2020 жылы 30 қазанда Астана қаласының С. Сейфуллин атындағы ҚазАТК университетінің «Абай клубы» ұйымдастырылуымен өткізілген Ұлы Абайдың 175 жылдығына арналған кешке Зерде клубының мүшелері қатысты. Іс-шара өлең құрастыру және мәнерлеп оқудан онлайн форматта өткізілді. Сайысқа Шымкент, Нұр-Сұлтан,Арқалық және Өскемен қалаларының университеттерінің студенттері яғни жас қаламгерлер қатысты. Сайыстан 19-ГФМК-1 тобының студенті Тоқан Нұрдана 3 орынды иеленді.
5. 2020 жылы қарашада С.Сейфуллин атындағы Қазақ агротехникалық университетің «Абай» философиялық клубымен бірлесіп ұйымдастырылған Әбу Насыр Әл-Фарабидың 1150 жылдық мерейтойына «Ақжан әл-Машани мұраларындағы философиялық зерттеулер» тақырыбына «Кешкі шәй» форматында кездесу өтті. Университетіміздің «Алтын бесік – Мұзтау» және «Зерде» клубының мүшелері белсенді қатысты. 19-ТФК-1 тобының студенті Кенжебек Ұлжан ғалымның өмірбаяны туралы, 19-ГФМК-1 тобының студенті Қайырбаева Сағыныш жасаған баяндамалары студенттер мен ғалымдар арасында жоғары баға алды, болашақта ғылыммен айналысуға кеңестер берілді.
6. 27-қараша күні, Д.Серикбаев атындағы ШҚТУ мен С.Аманжолов атындағы ШҚМУ ұйымдастыруымен болған Р.С. Федорованың 80-жылдығына арналған «Шығыс Қазақстандағы тарихи өлкетану ісі: дәстүрі мен келешегі» атты халықаралық өлкетанулық вебинарға клуб мүшелері қатысты.
6. 27-қараша күні, Д.Серикбаев атындағы ШҚТУ мен С.Аманжолов атындағы ШҚМУ ұйымдастыруымен болған Р.С. Федорованың 80-жылдығына арналған «Шығыс Қазақстандағы тарихи өлкетану ісі: дәстүрі мен келешегі» атты халықаралық өлкетанулық вебинарға клуб мүшелері қатысты.
7. Қарашаның 28 күні «Алтын бесік – Мұзтау» және «Зерде» клубтары жетекшілерінің ұйымдастыруымен 1 желтоқсан – Қазақстан Республикасының Тұңғыш Президент күніне орай «Бір ел, бір тағдыр» атты лекция ұйымдастырылды. Тақырыптық видеолар көрсетіліп, талқыланды.
8. 2021 жылы 28 қаңтарда клуб мүшелерімен қатар 2 курстарға Қазақстанның жаһандық саясатқа қосқан үлестері туралы баяндама ұсынылды. Қазақстан Республикасының ядролық қарудан бас тартуы, Семей полигонының жабылуы, Сириямен қарым-қатынастағы бейбіт сөздер жүргізу шаралары талқыланды. Діндер және конфессияаралық келісімдер конференциялары.
«Әлемнің екінші ұстазы» атанған Әл-Фарабидың 1150 жылдық мерейтойына орай О.Бөкей атындағы қалалық орталық кітапханада «Өркениет шырақшысы» атты ғылыми семинар өткізілді. Семинар «Қазақстан тарихы және әлеуметтік саяси пәндер» кафедрасының доценті, философия ғылымдарының кандидаты Абдығалиева Лаура Исупкановнаның басшылығымен жүргізілді. Шараға зиялы қауым өкілдері, философия ғылымдарының кандидаты Мамыканова Бакытгуль Кабрахмановна, кітапхана оқырмандары және Шығыс Қазақстан мемлекеттік техникалық университетінің студенттерімен қатар аға оқытушы Садвакасова Жанар Аманғалиқызының басшылығымен құрылған «Зерде» интеллектуалдық танымдық клубының мүшелері қатысты.
