Үндістан Республикасының Ұлттық Кадет Корпусы мен Д. Серікбаев атындағы ШҚТУ арасындағы өзара түсіністік туралы Меморандумға сәйкес әскери кафедра Саду Әлішер (20-АУ-1), Жасұланов Сымбат (20-БҚК-1), Әскербеков Диас (20-ГДК-2мд) 15.01.2023 жылдан 30.01.2023 жылға дейін Үндістан Республикасы және АҚШ, Аргентина Бразилия, Ресей, Жаңа Зеландия, Мозамбик, Фиджи, Непал, Судан, Өзбекстан, Қырғызстан, Мальдив аралдары, Тәжікстан және Мавритания сияқты елдердің кадеттері мен курсанттары қатысқан Үндістан Республикасы Күнін мерекелеуге арналған іс-шараларға қатысты. Біздің студенттер Дели, Джайпур, Агра қалаларына барып, тарихи орындар мен көрікті жерлерге, соның ішінде Тәж-Махалға (әлемнің жеті кереметінің бірі) барды. Сондай-ақ Үндістан Республикасының Премьер-Министрімен, Президентімен және Қорғаныс министрімен кездесті.

Бұл сапар түрлі іс-шаралар мен кездесулерге толы болды. Саяхат барысында өзара түсіністікті нығайтуға және әртүрлі елдердің жастары арасындағы достық қарым-қатынасты дамытуға және хабардар болуға ықпал етті.