Сіздерді бүгінгі Білім күні мерекесімен құттықтаймын! Университет құрылған күннен бастап, күздің алғашқы күнінде есігіміз айқара ашылып, жалынды, зерек жастарды қатарымызға қабылдауды дәстүрге айналдырдық.

Алғашқы қадамын басқан студенттерді университетімізбен таныстырып, есейіп қалған буындағы жастардың білімін тереңдете түсіп, жаңа оқу жылын бастағалы отырмыз. Осындай шуақты, білімге шақырған, жер көкті сыңғырлатқан Білім күнінде ұстаздар, оқытушылар, ғалымдарға сәтті қызмет, шығармашылық табыс, білім беруде қажымас қайрат тілеймін.

Ал студенттер қауымына сәтті білім алып, ғылымда жаңалықтар ашып, талантты ашар жолда мұқалмас жігер тілеймін!