Д. Серікбаев атындағы ШҚТУ-дың Бизнес Мектебі өңірдегі жалпы білім беретін мектеп түлектері арасында жыл сайынғы «Жасылдың 50 түрлілігі» олимпиадасын өткізді. Биылғы жылы олимпиадаға ШҚО жалпы білім беретін мектептерінің 100-ден астам түлегі тіркелді.
Іс-шараның мақсаты - дарынды жастарды анықтау және жастар ортасында кәсіпкерлік мәдениетті қалыптастыру. Сондай-ақ, оқушылардың жеке әлеуетін ашу және кәсіби өзін-өзі анықтау үшін жағдай жасау және білім алушылардың жеке кәсіпкерлік және көшбасшылық қасиеттерін дамыту.
Презентация нәтижелері бойынша әр командаға түрлі номинациялар берілді. Сонымен қатар, Д. Серікбаев атындағы ШҚТУ-дың «Бизнес мектебі» білім беру бағдарламаларында 1 жылдық оқуға 10% жеңілдік беретін дипломдар табысталды.
Олимпиаданың барлық қатысушыларын құттықтаймыз!
