Д. Серікбаев атындағы ШҚТУ-дың Басқарма Төрағасы-ректор, Басқарма мүшесі - ғылым және инновациялар жөніндегі проректор Конурбаева Жадыра, Басқарма мүшесі - академиялық мәселелер жөніндегі проректор Машекенова Асия серіктес университетіміз - Тяньцзинь кәсіптік институтында болды.
Бұл кездесу достық атмосферада өтті, бізді бір үлкен ұжым ретінде, бірлесе атқарған үлкен жұмыс байланыстырады - бұл Лу Бань шеберханасының құрылуы.
Естеріңізге сала кетейік, Шеберхана өткен жылдың желтоқсан айында ашылған болатын, қазір мұнда Қазақстан, Ресей, Беларусь, Моңғолия және Нигериядан келген 400-ге жуық студент білім алуда.
Қытайдың заманауи жабдықтарын пайдалана отырып, студенттер электр көлігі саласындағы технологияларды, көлік пен көлік ағындарын басқарудың аналитикалық жүйелерін меңгереді.
Кездесу нәтижелі болды, біз ШҚТУ-да Smart Driving Technology Инженерлік орталығын құрудың өзекті мәселелерін талқыладық.
ШҚТУ делегациясы сұранысқа ие 14 бағыт бойынша тәжірибеге бағытталған оқытудың жарқын үлгісі болып табылатын Industry-Education Integration Practice Center тәжірибе орталығында болды.
Бұл орталық сонымен қатар World Skills сияқты дағдылар чемпионаттарын өткізуге арналған алаң болып табылады.
Орталық технологиялық процестерді автоматтандыру, 3D модельдеу, металл өңдеу және т.б. үшін заманауи қондырғылармен жабдықталған.
Кездесу барысында ШҚТУ және Тяньцзинь кәсіптік институты меморандум арқылы ынтымақтастықты кеңейту ниетін бекітті.
