2023 жылы 13 қазан күні «SOLEIL» клубында жаңа отырыс өтті. Біздің қонағымыз «Fulbright program» бағдарламасы бойынша келген Colin Lamphier Америка азаматы. Кездесуде Colin студенттерді өзінің туған жері, Бостон қаласымен таныстырды. Кездесу барысында өте қызықты презентацияны көрсетіп, студенттердің қызуғышылығын арттырды. Бостон қаласында міндетті түрде бару керек деген жерлерді ұсынып, олар жайлы ақпарат берді. Colin алдағыда мүмкіншілік болса Бостон қаласына баруға кеңес берді.
«SOLEIL» клубының студенттері Болатбек Рауан 22 ТФК-1, Азаматова Әмина 23 АУК-1, және Борозинец Давид 21 МК-1, дайындаған өз презентацияларын да көрсетті. Рауан Қазақстаның табиғаты жайлы және Алакөл көлі туралы айтып шықты. Әмина Қазақстанның салт-дәстүрлері жайлы баяндады. Давид Қазақстанның ұлттық тағамдары жайлы өте қызықты презентация дайындап қорғады. Осы студенттер жасаған презентациялар біздің қонағымызға өте қызықты болып көрінді, ол өте керемет әсер алды. Отырыстың аяғына таман Colin мен ойын ойнадық. Ойыннын мағынасы ағылшынша сұрақ қоя отырып белгісіз жануарды табу, Colin мырзаға да, студенттерге де өте ұнады. Өте қызықты әрі күлкілі ойын өтті.
Жалпы айтқанда кездесу ағылшын тілінде өтті, сонымен қоса «SOLEIL» клубына жаңадан келген қатысушылар қызығушылық танытты. Диана студентіміз Colin мырзаға ағылшын тілінде «Do you know a Kazakh language?» деген қызықты сүрақ қойды. Осы сұраққа Colin қуана қуана жауап берді, өзінің есімін, жасын, және қайдан келгенін қазақша айтып беріп - студенттерімізді таңғалдырды. Кездесу өте жылы өтті, көңіл көтеріп және сондай қуанышпен студенттер презентацияларды тамашалады.
Сауле Уалиева, аға оқутышы, жүргізуші ретінде алғыс сөз айтқанда, ерекше сипаттады: «Colin мен студенттердің жұмысын тамашалау, ағылшын тілінде баршамыз сұхбат жүргізу - мен үшін үлкен ғанибет». Кездесу аяғында Colinге университет белгісімен және сақтардың алтынымен суреттегі кәдесыйлықтар сыйланды. Colin мырза осы сыйлықтарына мәз болып қалды.
Студенттерге өте пайдалы әрі қызықты отырыс болды. Оларға осы кездесу оң әсер қалдырды. Жаңадан келген студенттердің жағынан пікірлері: «Негізінде маған сол отырыс өте қатты ұнады. Colinнің презентациясы да ұнады, сол жерде болған эмоциялық сезімдерді мен сөзбен айтып жеткізе алмаймын негізінде, барлығы өте қатты ұнады. Бостон каласында болмасам да, бір болғандай бір сезімде болдым, барлығы керемет болды. Ең қатты ұнағаны сонында ойнаған ойын ұнады, «Панда» деген. Мен үшін осы отырыс алғашқы болды, өте ерекше сезімге бөліндім!» Манарбекова Диана 23-РТК-1 тобы. «Осы отырыс маған қатты ұнады. Көптеген әсер қалдырып, керемет өткізілді. Менің ойымша алдағыда осындай отырыстар көп әрі жиі өткізілуі керек!» Төрегелдиева Диляра 23-БЖК-1 тобы.
