2024 жылдың 25 қарашасында "BILIM BAQ" халықаралық редакциясы ұйымдастырған "Абай оқулары" республикалық шығармашылық байқауы еліміздегі жас таланттарды біріктіріп, қазақ әдебиетінің жарық жұлдызы, ұлы ақын Абай Құнанбаевтың шығармашылығын кеңінен насихаттауға бағытталды.
Бұл байқауға еліміздің түкпір-түкпірінен көптеген студенттері мен шығармашылық жастары қатысты. Байқаудың нәтижесінде 24-БФК-1 тобының студенті Мейрамғазинова Сағыныш Махсатқызы ерекше көрініс танытып, Абай шығармашылығын жоғары деңгейде танытып, I дәрежелі дипломмен марапатталды. Сағыныштың өнері мен таланты байқаудың қазылар алқасы тарапынан жоғары бағаланды, бұл оның Абайдың шығармаларын терең түсініп, шебер орындағандығының айқын дәлелі.
Студенттің байқауға қатысуына жетекші ретінде атсалысқан тілдік құзыреттілік орталығының аға оқытушысы, филология ғылымдарының кандидаты С.К. Ережепова да үлкен үлес қосты.
"Абай оқулары" байқауының нәтижелері, сонымен қатар, студенттеріміздің әдебиетке, мәдениетке деген қызығушылықтарын арттырып, ұлы ақын хакім Абайдың мұрасын жаңаша көзқараспен қаралып, оның туындыларын тыңдармандарға паш етілді.
Сағыныш Махсатқызы мен оның жетекшісі С.К. Ережеповаға зор алғысымызды білдіре отырып, алдағы уақытта да осындай шығармашылық байқауларға қатысып, еліміздің мәдени өмірінде жаңа биіктерді бағындыруды тілейміз.
