Университетте ХХІІ республикалық театр фестивалінің аясында Астана қаласы әкімдігінің қолдауымен 2007 жылы құрылған "Жастар" театрының спектакльдері қойылды. Театрдың көркемдік жетекшісі және бас режиссері Нұрқанат Жақынбай - Қазақстан Республикасының еңбек сіңірген қайраткері. «Жастар» театры - республикалық және халықаралық театрлар фестивалінің көптеген номинацияларының иегері.

Театр өнері университетте 23-25 қыркүйек аралығында тамашаланды. Бағдарламада «Көзіме бір көрінсең, бала ғашық», «Махаббат миниатюралары»театрландырылған концерттік бағдарлама, «Диляфуздың күйеу жігіттері» комедиясы болды. Көрермендер ыстық ықыластарын ду қол соғып, қолдау көрсетумен білдірді.

Студенттік шақ - алтыннан қымбат мерзім. Жас ұрпақ үш күн бойы театр өнерімен қауышты. Профессорлар мен оқытушылар, студент жастар атынан бұл есте қаларлық шара үшін университет басшылығына зор алғыс білдіреміз.

Индира Сағынғанова,
ИТжБФ бірінші курсының докторанты