Бүгін ректор Рахметуллина Сәуле Жәдігерқызының төрағалығымен университеттің Ғылыми кеңесінің отырысы өтті. Күн тәртібінде мына мәселелер қаралды: білім алушылардың сапалы контингентін қалыптастыру, интернационалдандыру стратегиясы, қысқы емтихан сессиясының қорытындыларын талдау, Д. Серікбаев атындағы ШҚТУ академиялық саясаты, білім беру бағдарламалары бойынша емтихандарды өткізу нысандарын бекіту және "ENGLISH FOR ACADEMICS"жобасы.
Білім алушылардың сапалы контингентін қалыптастырудың 2024-2025 оқу жылына арналған жоспарлары туралы Басқарма мүшесі - бірінші проректор Сапарходжаев Нұрбек Пажарбекұлы баяндады. Атқарылған жұмыс, алдағы жылға арналған білім бағдарламаларына қабылдау жоспарлары, кәсіптік бағдар беру жұмысының болжамды бағдарламасы, университетте колледж студенттерін оқытуды жалғастыру үшін интеграцияланған білім беру бағдарламаларын әзірлеу, елдің батыс және оңтүстік өңірлерінің талапкерлеріне арналған бағдарламалар, үшжақты шарттар бойынша студенттерді қабылдау, медиа-кеңістікте университет брендін ілгерілету жөніндегі мақсаттарымен бөлісті.
Интернационалдандыру стратегиясының нәтижелері, міндеттері мен перспективалары туралы Басқарма мүшесі - Халықаралық ынтымақтастық жөніндегі проректор Ертай Сұлтан айтып берді. Ол халықаралық рейтингтердегі орнықты позициялар, Ресеймен, Қытаймен, Германиямен, Польшамен, Түркиямен және Малайзиямен мықты әріптестік, Қазақстанның өнеркәсіптік кәсіпорындарымен ынтымақтастық, табысты іске асырылған халықаралық жобалар және Erasmus+ бағдарламасы туралы баяндады. Сонымен қатар, оның айтуынша, көптеген мәселелер бойынша жұмысты күшейту үшін: шетелдік студенттер санын көбейту; ПОҚ және шет тілін меңгерген студенттердің көрсеткішін арттыру; стратегиялық елдер мен өңірлерде ШҚТУ брендінің танымалдылығын арттыру; шетелдік басылымдарда ПОҚ-ның дәйексөзін арттыру.
Басқарма мүшесі - академиялық мәселелер жөніндегі проректор Машекенова Әсия Хасенқызы 2023 - 2024 оқу жылының қысқы емтихан сессиясының қорытындыларын талдау, 2024 жылға арналған "Д. Серікбаев атындағы ШҚТУ" КЕАҚ академиялық саясатын қарау, 2023 - 2024 көктемгі емтихан сессиясы кезеңінде бакалавриат, магистратура және PhD докторантураның білім беру бағдарламалары бойынша емтихандар өткізу нысандарын бекіту, магистрлік диссертациялардың ғылыми жетекшілері мен тақырыптарын бекіту туралы баяндады.
Сонымен қатар, ғылыми кеңесте докторлық диссертациялардың тақырыптарын бекіту (түзету / қайта бекіту) және докторанттарға ғылыми кеңесшілерді тағайындау; монографияны жариялауға ұсынымдар және "ENGLISH FOR ACADEMICS" жобасының мәселелері қаралды.
