Enactus Kazakhstan және Д. Серікбаев атындағы ШҚТУ мен SDI Alumni Club түлектерінің қауымдастығымен бірлесіп Enactus Kazakhstan Business Summer Camp 2024 жазғы бизнес-лагері басталды.
Шығыс Қазақстан облысында орналасқан Бұқтырма су қоймасының жағалауында, «Простор» жазғы экспедициялық кампусында Д.Серікбаев атындағы Шығыс Қазақстан техникалық университетімен және SDI Alumni Club түлектер қауымдастығымен бірлесіп Enactus Kazakhstan ұйымдастырған Enactus Kazakhstan Business Summer Camp 2024 ауқымды іс-шарасы бастау алды. Жазғы лагерь 27 шілдеге дейін өз жалғасын тауып, қатысушыларға өздерінің кәсіпкерлік дағдыларын, көшбасшылық қабілеттерін және командада жұмыс істеу қабілетін дамытуға бірегей мүмкіндік береді.
Биыл лагерьге Қазақстанның 23 білім беру мекемесінің студенттері мен оқытушылары, соның ішінде еліміздің жетекші университеттері мен колледждері қатысады:
- Д. Серікбаев атындағы Шығыс Қазақстан техникалық университеті, Өскемен қаласы
- Қарағанды жоғары политехникалық колледжі
- Шет тілдер колледжі, Қарағанды қ.
- Торайғыров университеті, Павлодар қ.
- Қазақстан Халықаралық колледжі, Астана қ.
- Narxoz University, Алматы қ.
- Марат Оспанов атындағы Батыс Қазақстан медициналық университеті, Ақтөбе қаласы
- Шахтинск технологиялық колледжі
- Dulaty University, Тараз қаласы
- «БІЛІМ-ИННОВАЦИЯ» лицейі, Петропавл қ.
- Манаш Қозыбаев атындағы Солтүстік Қазақстан университеті, Петропавл қ.
- Академик Е. А. Бөкетов атындағы Қарағанды университеті
- Тұран университеті, Алматы қ.
- Каспий университетінің колледжі, Алматы қ.
- Ахмет Байтұрсынұлы атындағы Қостанай өңірлік университеті
- International Information Technology University
- Astana International University
- Ш. Мұртаза атындағы Халықаралық Тараз Инновациялық институты
- Ілияс Жансүгіров атындағы Жетісу университеті
- Қожа Ахмет Ясауи атындағы халықаралық Қазақ-Түрік университеті
- Шәкәрім атындағы университет, Семей қ.
- Астана медицина университеті
- Ғ. Дәукеев атындағы Алматы энергетика және байланыс университеті
Лагерь бағдарламасы қаржылық сауаттылық, IT жүйелері, кәсіпкерлік және тұрақты даму бойынша семинарлар мен тренингтерді қамтиды. Сондай-ақ, командалық рухты нығайту мақсатында ашық ауада түрлі шаралар, бейресми қарым-қатынас пен тәжірибе алмасуға ықпал ететін кештер өтетін болады. Консультациялар мен мастер-класстарды жетекші сарапшылар мен Enactus Kazakhstan өкілдері өткізеді.
Іс-шараның негізгі спикерлері: Альбина Ержанова (Enactus Kazakhstan Президенті), Нұрбол Мамырханов (EKTU түлектерімен жұмыс жөніндегі ректордың кеңесшісі), Ерлан Кәрімов (Enactus Kazakhstan академиялық кеңесінің мүшесі), Аружан Мырхиева (Enactus Kazakhstan вице-президенті) және тағы басқалар.
Лагерь қатысушылар арасында білім, идеялар мен тәжірибе алмасудың бірегей алаңына айналады, сондай-ақ әркімге көшбасшылық пен кәсіпкерлік қабілеттердің жаңа қырларын ашуға мүмкіндік береді.
