Д. Серікбаев атындағы ШҚТУ базасында «EDP HuB» (Идипи Хаб) компаниясының өкілдерімен кездесу өтті. Онда IPR SMART және E-UNI электронды кітапханалық жүйелері саласындағы ынтымақтастық мәселелері талқыланды.
«EDP HuB» ЖШС e-uni.kz ұлттық білім беру платформасының әзірлеушісі және оқу орындарына арналған оқу және ғылыми әдебиеттердің жетекші баспагері. Кездесу барысында компания өкілдері ШҚТУ-мен одан әрі ынтымақтастық мүмкіндіктерін, әсіресе цифрлық білім беру ресурстарын дамыту мен қолдауға ерекше назар аударды.
Іс-шарада компания өкілдері - даму директоры Вита Кутуева және авторлық құқықпен жұмыс жөніндегі маман Гульжауар Бикжанова компанияның негізгі қызмет бағыттарын таныстырды: баспа қызметі (ШҚТУ авторларының кітаптарын бірлесіп шығару және қайта шығару; университет оқытушыларының оқу және ғылыми жұмыстарын компанияның цифрлық ресурстарына енгізу; ШҚТУ ғылыми мектебін E-UNI.KZ платформасы және IPR SMART цифрлық кітапханасы арқылы насихаттау) және цифрлық білім беру ресурстары - e-uni.kz ұлттық білім беру платформасын және 100 000-нан астам оқу материалдары, мерзімді басылымдар, аудио және бейнемазмұнды қамтитын IPR SMART цифрлық кітапханасын енгізу.
Кездесу барысында студенттер мен оқытушылар үшін онлайн-курстар мен digital-сервистерді құру және дамыту перспективалары да талқыланды.
Айта кету керек, EDP HuB компаниясы Қазақстанның жетекші университеттерімен, соның ішінде ШҚТУ-мен белсенді ынтымақтастықта.
e-uni.kz платформасы оқу материалдарын орналастыру үшін кең мүмкіндіктер ұсынады, бұл білім беру процесінің сапасын арттыруға және ақпаратқа қол жеткізуді жеңілдетуге септігін тигізеді.
EDP HuB өкілдерімен кездесу ШҚТУ студенттері, қызметкерлері және оқытушылар құрамы үшін электронды кітапхана жүйелерімен жұмыс істеу туралы сұрақтарға жауап алу, ынтымақтастық перспективаларын талқылау және заманауи цифрлық білім беру шешімдері туралы көбірек білу үшін тамаша мүмкіндік болды.
