Ағымдағы жылдың 19 ақпаны күні, Д. Серікбаев атындағы Шығыс Қазақстан техникалық университетінің қолдауымен қала жастары арасында «Football Cup-1» атты пікірсайыс турнирі өтті. Сайысқа қаламыздағы көптеген мектеп оқушылары мен колледждер және университтердің студенттерінен құралған жиыны 16 команда қатысып додаға түсті. Турнир қорытындысы бойынша Д. Серікбаев атындағы ШҚТУ студенті Тулегенов Диас және Абай атындағы педагогикалық колледжінің студенті Қыдырмоллаева Амина бірінші орынды иеленді. «Үздік спикер» номинациясымен Тоқтарғалиев Айбек (Д. Серікбаев атындағы ШҚТУ) атанды.

Университетіміз студенттеріміздің түрлі бағыттағы іс-шараларға қатысып, зияткерлік, спорт, мәдениет және өнердегі қабілеттерін дамыту мақсатында әрдайым қолдау көрсетіп, бағдар беріп отырады. Осы мақсатта біздің университеттің қабырғасында бірнеше қалалық, өңірлік, республикалық іс-шаралар өткен болатын.