«Digital_EKTU» командасы «KAZENERGY» қауымдастығы және Қарашығанақ Петролиум Оперейтинг компаниясы бірлесіп өткізетін «StudentDigitalFest-2021» байқауының финалына өтті!
Қазақстанның жоғары оқу орындарының 52 командасының ішінен финалға 7 құрама ғана өтті. Ақтық сында олар өздерінің командалық жұмыстарын ұсынады.
Олардың қатарында «Алматы энергетика және байланыс университеті» КЕАҚ-ның «Jojo Aupet Crusaders» және «Androgynous» командалары, Д. Серікбаев атындағы Шығыс Қазақстан техникалық университетінің «Digital_EKTU» командасы, Қазақстан-Британ техникалық университетінің «BOTTi», Ш. Уәлиханов атындағы Көкшетау мемлекеттік университетінің «Shoqan» командасы және Назарбаев Университетінің «SKYWALKERS» пен «KazTech» құрамалары бар.
Байқаудың финалы ағымдағы жылдың 5 қазанында «Кадрларды Жаңа шындықта даярлау: қайта ойлаудан қайта құруға дейін» атты KAZENERGY XII жастар форумы аясында өтеді. Бұл байқаудың қазылар алқасының құрамына КПО б. в. компаниясының өкілдері (ТТ әзірлеушілері ретінде) кіреді.
Финал қорытындысы бойынша барлық жеңген командаларға 15 000 АҚШ доллары жүлде қоры қарастырылған.
Біздің командаға сәттілік пен жеңіл финал тілейміз!
