Күміс университет - аға буын азаматтарға арналған арнайы ашық білім беру ортасы. Егде жастағы адамдарға екінші мамандық алуға көмектесетін халықаралық қозғалысқа Қазақстан университеттері «lifelong learning» тұжырымдамасы шеңберінде қосылған. Яғни өмір бойы оқыту деген мағынаға саяды. Өткізілетін курстар сандық дағдылар, шет тілдері, кәсіпкерлік, құқық, мәдениет, дін және физикалық бел-сенділікті қамтитын көптеген саладан тұрады. 50 жастан асқандар белсенді өмір салтын ұстанып, өздерін жан-жақты дамытады.
Д. Серікбаев атындағы ШҚТУ Skills Enbek платформасында «Күміс университет» бастамасына қатысады.
Skills Enbek - Қазақстан Республикасы Еңбек және Халықты Әлеуметтік Қорғау Министрлігі қолдайтын, өмір бойы онлайн форматта оқытуға арналған білім беру платформасы. ШҚТУ lifelong learning құндылықтарымен бөліседі және білім беруді барлығына қолжетімді етуге тырысады. Университет бұл миссияға MOOК «Мерчандайзинг»-ті «Күміс жас» санатына енгізу арқылы қосылады, курстар барлығына тегін қол жетімді.
Оқытушы Закимова Альфия Манарбековна, сауда саласындағы кәсіби маман, аталған курстың мазмұнын әзірлеп, оны өз тәжірибесімен және білімімен толықтырды. Ол курсқа тек теориялық білімді ғана емес, сонымен қатар осы салада табысты жұмыс істеу үшін қажетті практикалық дағдыларды да енгізді. Курс еңбек нарығында өз құндылығын арттырғысы келетіндерге, жұмыс тәжірибесі бар және бейіндік дағдыларды, сондай-ақ оларды тиімді пайдалану ерекшеліктерін терең зерттегісі келетін мамандарға жарайды. Курс менеджерлер мен басқа мамандықтардың иелеріне жұмыс істеу үшін қосымша дағдыларды игеруге мүмкіндік береді.
ШҚТУ білім беру технологиялары орталығының қызметкерлерінің арқасында Skills Enbek платформасында курсты дайындау және мазмұнды орналастыру процесі тиімдірек және жылдам болды.
Қазіргі уақытта «Мерчандайзинг» курсы платформаға жүктелген және модераторлардың тексеруіне жіберуге дайындалуда. Кейін ол бүкіл Қазақстан үшін қолжетімді болады.
ШҚТУ барлық ниет білдірушілерді Skills Enbek платформасына қосылуға шақырады және кәсіби даму жолыңызды қазірден бастаңыз!
