Д.Серікбаев атындағы ШҚТУ студенттері Т. Қ. Жүргенов атындағы Қазақ ұлттық өнер академиясы ұйымдастырған «Біз – Тәуелсіз Қазақстанның жастарымыз!» атты жастар форумына қатысты.

ШҚТУ білім алушылары Қазақстанның жоғары оқу орындарының 10 командасымен сайысқа түсті. Үш бағытта өнер көрсетті: қатысушылар болашақта ел туралы айтты, «Қазақстан Тәуелсіздігінің отыз жылы: қалыптасу және жетістік тарихы» викторинасына қатысты. Сонымен қатар студенттер өздерін іскерлік жағынан көрсетті: «AtamekenStartUP: Дала рухының жаңғырығы» алаңында сауатты бизнес-жобаларын ұсынды.

Университет намысын қорғаған студенттер зияткерлік викторинада 3 орын, жалпы командалық есепте 2 орын алды және «Туризм саласындағы үздік жоба» бизнес-жобалар байқауында номинация алды.