Малайзияда жоғары білімдегі трансформация стратегиялары мен басқару мәселелері бойынша халықаралық симпозиум (ISSTM-TEd 2024) өтуде. Бұл шара Universiti Teknologi Mara (UiTM) және Д. Серикбаев атындағы Шығыс Қазақстан техникалық университеті тарапынан ұйымдастырылды.
Симпозиум, 2024 жылдың 3-4 қазанында ВКТУ базасында өткен «ENGINEERING EDUCATION: CHALLENGES, TRENDS, BEST PRACTICES (EE: CTBP)» халықаралық конференциясының жалғасы болып табылады.
Малайзиядағы симпозиум жоғары білім саласындағы жетекші сарапшыларды жинап, университеттердің стратегияларын трансформациялау және цифрлық инновацияларды енгізу мәселелерін талқылады.
Симпозиумда негізгі спикерлер ретінде:
- Universiti Teknologi Mara (UiTM) академиялық және халықаралық мәселелер бойынша проректоры Datin Dr. Suzana Sulaiman, жасанды интеллект оқу процесін қалай өзгертетіні, оқытушылардың жұмысын қолдайтыны және персонализирленген білім беру бағдарламаларын жасауға көмектесетіні туралы баяндама жасады;
- Данди университетінің профессоры Kim Dale білімнің жергілікті және жаһандық деңгейде өмір сапасын қалай жақсартатынын айтты;
- NED университетінің деканы профессор Muhammad Tufail жоғары білімді цифрлық трансформация және саясат арқылы қалыптастыру тақырыбын талқылады;
- Флиндерс университетінің профессоры Gretchen Geng оқытуда қосымша шындық технологияларын қолдану туралы баяндады;
- Д.Серікбаев атындағы ШҚТУ Симпозиумға негізгі баяндамашы ретінде Басқарма мүшесі - ғылым және инновациялар жөніндегі проректор Жадыра Түсіпқанқызы Қоңырбаева тұрақты даму және технологиялық инновациялар саласындағы заманауи үрдістердің қалай әсер ететіні туралы талдауды ұсынып, инженерлік білім беруді дамыту және оны болашақтың талаптарына бейімдеу хақында сөз сөйледі.
Параллель сессиялар сонымен қатар тәуекелдерді басқару және ұйымдық өзгерістер, цифрлық трансформация және білім берудегі инновациялар сияқты кең ауқымды тақырыптарды қамтитын талқылауларға бай болды, бұл қатысушыларға жоғары білім берудегі тәжірибе және озық тәжірибе алмасуға мүмкіндік берді.
2023-2025 жылдарға арналған ғылыми, ғылыми-техникалық бағдарламалар шеңберінде гранттық қаржыландыру аясында жүзеге асырылып жатқан «BR21882257 Қазақстандағы инженерлік білімнің ұлттық моделін қалыптастыру» жобасының мүшелері Оксана Денисова, Мадина Юсубалиева және Салтанат Суюбаева практикалық-инженерлік білімнің болашақ мамандарға қажетті құзыреттерді қалыптастырудағы рөлін, университет сайттарының цифрлық қолжетімділігін және Қазақстандағы кәсіпорындардың инновациялық белсенділігі мен тұрғындардың цифрлық сауаттылығы арасындағы байланысты қарастырды.
Симпозиум барысында маңызды қорытындылар жасалды:
- Цифрлық технологиялар, мысалы, жасанды интеллект және қосымша шындық, білім беру процесінің ажырамас бөлігіне айналуда;
- Инклюзивті білім беру саясаты барлық студенттер үшін тең мүмкіндіктер жасауға маңызды рөл атқарады, бұл жоғары білімге қолжетімділікті жақсартады және оқу ортасындағы әртүрлілік пен әділеттілікті қамтамасыз етеді;
- Деректер мен ақпаратты басқару практикаларын енгізу университеттердің стратегиялық шешімдерінің сапасын арттыру үшін критикалық маңызды.
Конференцияға қатысушылар білім сапасын арттыру үшін инновациялық технологиялар мен стратегияларды пайдалану қажеттілігіне баса назар аудара отырып, тұрақты тәжірибені жоғары білім беру жүйесіне енгізудің маңыздылығын атап өтті.
Жоғары білім берудегі трансформация стратегиясы мен басқару жөніндегі халықаралық симпозиум (ISSTM-TEd 2024) білім беру үдерістеріне цифрлық технологиялар мен тұрақты дамуды енгізу мәселелерін талқылау үшін маңызды алаңға айналды.
Симпозиум жыл сайын өткізіліп, жоғары білім саласындағы өзекті мәселелерді талқылау мен тәжірибе алмасуды қамтамасыз етеді.
